Қазақстан мен Беларусь арнайы жасақтарының оқу-жаттығуы өтіп жатыр

© Photo : Пресс-служба Минобороны РКҚазақстан мен Беларусь арнайы жасақтарының оқу-жаттығуы
Қазақстан мен Беларусь арнайы жасақтарының оқу-жаттығуы - Sputnik Қазақстан, 1920, 09.08.2022
Жазылу
НовостиTelegram
НҰР-СҰЛТАН, 9 тамыз – Sputnik. Алматы және Жетісу облыстарында Қазақстан мен Беларусь елдері арнайы операциялар күштерінің оқу-жаттығуы өтіп жатыр.
Тау даярлығы орталығында және "Көктал" оқу-жаттығу полигонында жоспарлы тактикалық-арнайы оқу-жаттығуы ұйымдастырылды, деп хабарлады Қазақстан қорғаныс министрлігінің баспасөз қызметі.
Қазақстан мен Беларусь арнайы операциялар күштерінің бөлімшелері таулы-шөлді жерлердегі шартты заңсыз қарулы құрамаларды іздеу және оларды жою жөнінде бірлескен іс-қимылды пысықтауда. Қазақстанның арнайы операциялар күштері беларусь әріптестерімен бірге тау шыңдарына және асуларға жорықтар жасап, тауда арнайы іс-қимыл жүргізуге дайындалу және оларды жүргізу мәселелерін пысықтайды.
"Оқу-жаттығу Қазақстан мен Беларусь әскери ведомстволары арасындағы екіжақты ынтымақтастық шеңберінде өткізіліп отыр. Ол басқару органдарының үйлесімділігін жетілдіруге, бірлескен жоспарлау дағдыларын дамытуға, арнайы мақсаттағы бөлімшелер жеке құрамының жеке және топтық дағдысын арттыруға бағытталған", – деп атап өтті оқу-жаттығу жетекшісі полковник Айдар Слямғалиев.
Арнайы жасақтардың тактикалық-арнайы және оқ ату даярлығы, әскери топографиядағы дағдылары мен шеберліктерін жетілдіруге, қиын жағдайда биік тауларда тіршілік ету қабілетіне ерекше назар аударылады.
Қазақстан Республикасының аумағында 21 тамызға дейін өтетін бірлескен оқу-жаттығу оқ ату жаттығуымен аяқталады.
Жаңалықтар
0