Жалған жүргізуші куәлігімен автобус айдаған алматылық ұсталды

© Sputnik / Тимур БатыршинАвтобус
Автобус - Sputnik Қазақстан, 1920, 07.08.2022
Жазылу
Көлікті тоқтатқан сәтте ішінде 40-тан астам жолаушы болған
НҰР-СҰЛТАН, 7 тамыз — Sputnik. Алматыда жалған құжатпен қоғамдық көлікті басқарған жүргізуші анықталды. Ішкі істер министрлігі баспасөз қызметінің мәліметінше, жүргізушіні бір жыл бұрын Әуезов департаменті көлік басқару құқығынан айырған.
Алайда ер адам жалған жүргізуші куәлігін жасатқан, деп жазды Polisia.kz.
"Құқық бұзушы 85-бағыттағы қоғамдық көлікті басқарып келе жатып, автовокзал маңындағы аялдамада ұсталды. Оның жеке басын тексеру кезінде жалған құжат пайдаланғаны анықталды. Сонымен қатар оған жолаушыларды тасымалдауға мүмкіндік беретін санаттар қосылған", – деді Алматы қалалық ПД әкімшілік полиция басқармасы бастығының орынбасары Дәулет Сейітқұлов.
Көлікті тоқтатқан сәтте ішінде 40-тан астам жолаушы болды. Заңды бұзған жүргізуші күн сайын жолға шығып, тұрғындардың өмірі мен денсаулығына қауіп төндірді.
Аудандық полиция басқармасында жалған құжат жасау дерегі бойынша сотқа дейінгі тергеу басталды. Жүргізушіге және жүргізушінің жұмысы мен құжаттарын дұрыс қадағаламаған автопарк басшылығына қатысты әкімшілік шара қолданылды. Қоғамдық көлік мамандандырылған айыппұл тұрағына қойылды.
Жаңалықтар
0