https://sputnik.kz/20220803/soltustik-qazaqstan-reseyg-erli-zayyptylar-26497469.html
Солтүстік Қазақстанды Ресейге қосуға үндеген ерлі-зайыпты сотталды
Солтүстік Қазақстанды Ресейге қосуға үндеген ерлі-зайыпты сотталды
Sputnik Қазақстан
Экстремистік қылмыс жасаған адамға шартты жаза қолданылмайды 03.08.2022, Sputnik Қазақстан
2022-08-03T10:04+0500
2022-08-03T10:04+0500
2022-08-03T10:34+0500
қоғам
солтүстік қазақстан облысы
сот
https://sputnik.kz/img/07e4/09/1c/15071034_0:125:1201:800_1920x0_80_0_0_4e603bb753a4668d5fe23d1c8b5be3d8.jpg
НҰР-СҰЛТАН, 3 тамыз – Sputnik. Петропавл қаласының екі тұрғыны әлеуметтік желіде Солтүстік Қазақстанды Ресейге қосуға ұсыныс жасағаны үшін бес жылға бас бостандығынан айырылды, деп хабарлайды Sputnik Қазақстан. Сотқа ерлі-зайыптының заңсыз әрекетіне қатысты іс түскен. Екеуі Қылмыстық кодекстің 180-бабы (Сепаратистік әрекет), атап айтқанда, Қазақстан Республикасының біртұтастығы мен тұтастығын, оның аумағына қол сұғылмауын және бөлінбеуін бұзуды не мемлекетті ыдыратуды насихаттау немесе оған жария түрде шақыру, сол сияқты осындай мазмұндағы материалдарды тарату мақсатында дайындау, сақтау немесе тарату бойынша жауапқа тартылды. Сот материалдарына сәйкес, олар "Чат Рулетка" қосымшасына кіріп, Солтүстік Қазақстан облысын Ресей Федерациясына қосуға үндеген. Осы танымал сервистің негізінде бейнебайланыс арқылы әлем бойынша кез келген желі қолданушысымен сөйлесуге болады. Прокурор әрбір сотталушыны 5 жылға бас бостандығынан айыруды сұраған. Ал ерлі-зайыпты кінәсін мойындамай, өздерін ақтауға өтініш жасады. Заң бойынша ондай тәртіп бұзушылық экстремистік қылмыстарға жатады. Ол үшін бес жылдан он жылға дейін бас бостандығынан айыруы жазасы қарастырылған. Ал Қылмыстық кодекстің 63-бабы, 6-бөлігі бойынша экстремистік қылмыс жасаған адамға шартты жаза қолданылмайды. "Осыны ескере отырып, сот сотталушыларға минималды жазаны тағайындап, әрбіреуін бес жылға бас бостандығынан айыруға шешім шығарды. Олар өз жазасын қауіпсіздігі орташа мекемеде өтейді", - делінген сот хабарламасында. Ерлі-зайыптының жазасын жеңілдететін және ауырлататын мән-жайлар анықталған жоқ.
солтүстік қазақстан облысы
Sputnik Қазақстан
media@sputniknews.com
+74956456601
MIA „Rosiya Segodnya“
2022
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
солтүстік қазақстан облысы, сот
солтүстік қазақстан облысы, сот
Солтүстік Қазақстанды Ресейге қосуға үндеген ерлі-зайыпты сотталды
10:04 03.08.2022 (жаңартылды: 10:34 03.08.2022) Экстремистік қылмыс жасаған адамға шартты жаза қолданылмайды
НҰР-СҰЛТАН, 3 тамыз – Sputnik. Петропавл қаласының екі тұрғыны әлеуметтік желіде Солтүстік Қазақстанды Ресейге қосуға ұсыныс жасағаны үшін бес жылға бас бостандығынан айырылды, деп хабарлайды
Sputnik Қазақстан.
Сотқа ерлі-зайыптының заңсыз әрекетіне қатысты іс түскен. Екеуі Қылмыстық кодекстің 180-бабы (Сепаратистік әрекет), атап айтқанда, Қазақстан Республикасының біртұтастығы мен тұтастығын, оның аумағына қол сұғылмауын және бөлінбеуін бұзуды не мемлекетті ыдыратуды насихаттау немесе оған жария түрде шақыру, сол сияқты осындай мазмұндағы материалдарды тарату мақсатында дайындау, сақтау немесе тарату бойынша жауапқа тартылды.
Сот материалдарына сәйкес, олар "Чат Рулетка" қосымшасына кіріп, Солтүстік Қазақстан облысын Ресей Федерациясына қосуға үндеген. Осы танымал сервистің негізінде бейнебайланыс арқылы әлем бойынша кез келген желі қолданушысымен сөйлесуге болады.
"Ерлі-зайыпты кінәсі іс материалдарымен расталып отыр. Өздері кінәсін мойындаған жоқ. Дегенмен заңсыз әрекеті дәлелденді. Бейнежазба да бар. Ол жерде қылмыстық тәртіп бұзушылық тіркелген. Кешенді психологиялық-филологиялық сараптама жасалды", - деді Солтүстік Қазақстан облыстық сотының баспасөз қызметі Sputnik Қазақстанға.
Прокурор әрбір сотталушыны 5 жылға бас бостандығынан айыруды сұраған. Ал ерлі-зайыпты кінәсін мойындамай, өздерін ақтауға өтініш жасады. Заң бойынша ондай тәртіп бұзушылық экстремистік қылмыстарға жатады. Ол үшін бес жылдан он жылға дейін бас бостандығынан айыруы жазасы қарастырылған.
Ал Қылмыстық кодекстің 63-бабы, 6-бөлігі бойынша экстремистік қылмыс жасаған адамға шартты жаза қолданылмайды.
"Осыны ескере отырып, сот сотталушыларға минималды жазаны тағайындап, әрбіреуін бес жылға бас бостандығынан айыруға шешім шығарды. Олар өз жазасын қауіпсіздігі орташа мекемеде өтейді", - делінген сот хабарламасында.
Ерлі-зайыптының жазасын жеңілдететін және ауырлататын мән-жайлар анықталған жоқ.
