https://sputnik.kz/20220802/zhetisu-oblysy-otbasy-zhol-apaty-26489631.html

Жетісу облысында отбасы жол апатына ұшырады: 11 жастағы бала ғана аман қалды

Жетісу облысында отбасы жол апатына ұшырады: 11 жастағы бала ғана аман қалды

Sputnik Қазақстан

ТАЛДЫҚОРҒАН, 2 тамыз – Sputnik. Достық стансасы маңында жол талғамайтын көлік аударылып, ерлі-зайыпты қаза тапты. Олардың 11 жастағы ұлы ауруханаға жатқызылды... 02.08.2022, Sputnik Қазақстан

2022-08-02T18:20+0500

2022-08-02T18:20+0500

2023-08-10T11:58+0500

жол апаты

https://sputnik.kz/img/1071/50/10715086_0:9:1200:684_1920x0_80_0_0_cef40bfa1d442b0d6319d4d9597d535e.jpg

ТАЛДЫҚОРҒАН, 2 тамыз – Sputnik. Достық стансасы маңында жол талғамайтын көлік аударылып, ерлі-зайыпты қаза тапты. Олардың 11 жастағы ұлы ауруханаға жатқызылды, деп хабарлайды Sputnik Қазақстан тілшісі.Әлеуметтік желіде Toyota Land Cruiser апатқа ұшыраған жерде түсірілген видео жарияланды. Онда апаттан екі адамның қаза тапқаны айтылады.Бұл фактіні полиция растап, 2 тамызда Алакөл ауданында жол апаты болғанын хабарлады. Жол талғамайтын көліктің ішінде үш адамнан тұратын отбасы болған. Көлікті "Үшарал – Достық" тас жолының 169-шақырымында аударып алған 47 жастағы ер адам жүргізіп келе жатқан."Жүргізуші мен оның 43 жастағы әйелі қаза болды. 11 жастағы бала зардап шекті, ол түрлі жарақатпен Үшарал қаласындағы орталық аудандық ауруханаға жатқызылды", - деп хабарлады облыстық полиция департаментінің баспасөз қызметі.Жол апаты бойынша қажетті сараптамалар тағайындалып, сотқа дейінгі тергеу басталды.Жетісу өңірінің тәртіп сақшылары азаматтарды жол қозғалысы ережелерін қатаң сақтауға шақырады.

2022

Жаңалықтар

kk_KK

жол апаты