Жақсы өмір сүріп кетемін деп ойлаған: баласын балталап өлтірген әке сотталды

© SputnikАрхивное фото топора
Архивное фото топора  - Sputnik Қазақстан, 1920, 29.07.2022
Жазылу
НҰР-СҰЛТАН, 29 шілде – Sputnik. Түркістан облысында баласын балтамен шауып өлтірген азамат 15 жылға бас бостандығынан айырылды, деп хабарлады Otyrar.kz.
Оқиға 2022 жылдың 4 наурызында болған. Облыстық қылмыстық істер жөніндегі мамандандырылған ауданаралық сот судьясының айтуынша, сотталушы азамат бұрын істі болмаған.
Азамат өзінің 6 жасар баласын үйінің алдында орналасқан тоғайға "отын жинаймыз" деген сылтаумен алдап ертіп барып, сол жақ самай сүйегіне балтаның тегіс жағымен бір мәрте соққы жасаған. Одан кейін, денесін көтеріп шабылған жиде талының томар астына койып, балтаның үшкір жағымен мойын аймағынан бірнеше рет соққы жасап шауып өлтірген.
"Сотталушы бес баланың әкесі. Бала-шағасын асырай алмай, өз-өзіне қол жұмсап немесе баласының бірін өлтіріп, қалған 4 баласымен жақсы өмір сүріп кетемін деген мақсатта болған", - дейді Түркістан облысының қылмыстық істер жөніндегі мамандандырылған ауданаралық сотының судьясы Дәурен Мадалиев.
Түркістан облысының қылмыстық істер жөніндегі мамандандырылған ауданаралық соты сотталушыны Қазақстан Республикасы Қылмыстық кодексінің 99-бабының 3-бөлігімен кінәлі деп танып, оған 15 (он бес) жыл мерзімге бас бостандығынан айыру жазасын тағайындаған, сондай-ақ осы бап бойынша педагогикалық және кәмелетке толмағандармен жұмыс істеумен байланысты лауазымдарды атқару құқығынан 10 жылға айырылды.
Жаңалықтар
0