https://sputnik.kz/20220728/kegoc-qazaqstan-elektr-energiyasy-26392022.html

KEGOC Қазақстанның батысында электр энергиясы неге өшіп қалғанын түсіндірді

KEGOC Қазақстанның батысында электр энергиясы неге өшіп қалғанын түсіндірді

Sputnik Қазақстан

Электр энергиясының өшуі салдарынан мұнай өңдеу зауытының жұмысы тоқтап қалған болатын 28.07.2022, Sputnik Қазақстан

2022-07-28T08:45+0500

2022-07-28T08:45+0500

2022-07-28T08:52+0500

қоғам

электр энергиясы

https://sputnik.kz/img/07e5/09/08/18071472_0:161:3067:1886_1920x0_80_0_0_510c40a3bf92e7f5acb48e68b3d32cdc.jpg

НҰР-СҰЛТАН, 28 шілде – Sputnik. "KEGOC" АҚ Атырауда электр энергиясын апатты ажыратуға не себеп болғанын түсіндірді.27 шілдеде 18:08-де Атырау облысында ауа райының қолайсыздығынан (жаңбыр, найзағай, дауыл) "Құрманғазы" мұнай айдау станциясына тоқ беретін электр қондырғысының 220 кВ екі сымы бір мезетте үзілді.Қолда бар ақпаратқа сүйенсек, электр сымдарының екі тірегі құлап қалған. Бұл Қазақстанның Каспий құбыр консорциумын 16 МВт электр энергиясымен жабдықтауды шектеуге әкеп соқты.Одан кейін сағат 18:42-де Атырау мұнай өңдеу зауытында тоқ келетін электр кірістері істен шықты. "KEGOC" АҚ тарапынан электр энергиясы ажыратылған жоқ.Энергия жүйесімен бірге "Karabatan Utility Solution" электр станциясының байланыс желілері де өшті. Салдарынан электр станциясы генерациясын нөлге дейін түсірді, бұл жиіліктің төмендеуіне алып келді."KEGOC" АҚ электр желілері мен Қазақстанның батысында электр станцияларының апатқа қарсы автоматикасы штатты режимде іске қосылды. Автоматты жиіліктік жүктеменің арқасында Атырау мен Маңғыстау облыстарының тұтынушылары жарықсыз қалмады. Тұтынушылардың шамамен 90%-ін электр энергиясымен жабдықтау сақталды.Қазіргі таңда технологиялық апатты жою жұмыстары жүргізіліп жатыр.

2022

Жаңалықтар

kk_KK

электр энергиясы