Қоғам

Жыл басынан бері қанша этникалық қазақ қандас мәртебесін алды

Архивтегі сурет - Sputnik Қазақстан, 1920, 04.07.2022
Жазылу
НовостиTelegram
Тәуелсіздік алған сәттен бастап елімізге 1 млн 95,3 мың этникалық қазақ оралды
НҰР-СҰЛТАН, 4 шілде – Sputnik. 2022 жылғы 1 шілдедегі жағдай бойынша 7 415 этникалық қазақ тарихи отанымен табысып, қандас мәртебесін алды, деп хабарлайды еңбек және халықты әлеуметтік қорғау министрлігі.
Жыл басынан бері Қазақстанға қандастардың жартысынан көбі Өзбекстаннан (70,2%), Қытайдан – 10,4% , Түрікменстаннан – 7,4%, Моңғолиядан – 3,2% және 8,8% басқа елдерден қоныс аударған.
Этникалық қазақтар, негізінен, Алматы (31,6%), Маңғыстау (18,3%), Түркістан (9,8%) және Жамбыл (6,3%) облыстарына, сондай-ақ Алматы (5,7%), Нұр-Сұлтан (7,1%) және Шымкент (8,1%) қалаларына қоныстанды.
1 шілдедегі жағдай бойынша еңбекке қабілетті жастағы этникалық қоныс аударушылар саны – 62%, еңбекке қабілетті жастан кіші қоныс аударушылар саны – 24,1% және зейнеткерлер саны – 13,9%.
Еңбекке қабілетті жастағы қандастардың ішінен білім деңгейі бойынша 11,4%-і – жоғары білімді, 40,3%-і – орта кәсіби білімді, 47%-і – жалпы орта білімді және 1,6%-інің білімі жоқ.
Жалпы 1991 жылдан бері республикаға 1 миллион 95,3 мың этникалық қазақ оралды.
Жаңалықтар
0