Өңірлер

Семейде адамдардың қантқа таласып жатқан сәті видеоға түсіп қалды

Қант - Sputnik Қазақстан, 1920, 03.07.2022
Жазылу
НовостиTelegram
АЛМАТЫ, 3 шілде – Sputnik. Әлеуметтік желіде Семейдегі сауда орындарының бірінде тұрғындардың қантқа таласып жатқан видеосы тарады.
Arnapress.kz сайтына Семей қаласының тұрғыны видео жіберген. Бейнежазбадан тұрғындардың жергілікті дүкендерде тапшылыққа айналған тәтті шекерді сатып алу үшін ұзын-сонар кезекке тұрғанын көруге болады.
Қанттың 495 теңгеден сатылып жатқанын естіген жұрт сауда орталығына ағылған. Өйткені қазір сатушылар оның бағасын бір келі үшін 1000 теңгеге дейін қымбаттатып жіберген.
Видео авторының айтуынша, қант әр қолға 3 келіден ғана сатылған. Сол себепті тұрғындар дүкенге отбасы мүшелерімен келген.
"Шыдамның да шегі бар ғой. Қаладағы қант тапшылығы мәселесі қашан шешімін табады? Неліктен кейбір дүкен сөрелерінде қант 800-1000 теңгеден, ал кей жерлерде 500 теңгеден сатылып жатыр? 1 шілде күні "Смолл" сауда орталығына бардық. Түскі үштен бастап кезекте тұрдық. Ақыр соңында дүрлікпе болды", – деп жазды видео авторы.
Қант сатып алуға апа-әжелер де барған. Қантқа талас басталғанда үлкен кісілерді құтқаруға тура келген. Бір әженің аяғы көгеріп, дене жарақатын алған. Қант болса жерге шашылып жатты, деп наразылығын білдірді семейлік тұрғын.
Қант - Sputnik Қазақстан, 1920, 29.06.2022
Бізде қант 350 теңгеден сатылып жатыр – Құмар Ақсақалов
Жаңалықтар
0