Өңірлер

Шымкентте үйсіз қалғалы тұрған қандастар мәселесі шешіледі

© Photo : СЦКМұрат Әйтенов
Мұрат Әйтенов - Sputnik Қазақстан, 1920, 01.07.2022
Жазылу
НовостиTelegram
Қала басшысы Шымкентке оралған соң осы мәселені толық зерттейтінін айтты
АЛМАТЫ, 1 шілде – Sputnik. Шымкентте үйсіз қалғалы тұрған қандастар мәселесі шешіледі. Бұл туралы орталық коммуникациялар алаңында өткен брифингте Шымкент қаласының әкімі Мұрат Әйтенов хабарлады.
Елге осыдан 10-15 жыл бұрын оралған қандастарға квотамен жер берілген. Тұрғындар алты жылдан кейін 6 мың долларға сатып алған үйлерінің тағы бір иесі барын білген. Енді қайда барарын білмей отырған қандастар соттасудан да шаршаған көрінеді.
"Бұл жағдайды Нұр-Сұлтан қаласында жүргенде ғана білдім. Оған дейін хабарсыз болғанмын. Мәселе терең зерттеуді қажет етеді. Бұл азаматтар алаяқтардың арбауына түсті деген мәлімет бар. Сайрам ауданында да осындай мәселе туындады. Тұрғындар барып сотқа жүгінген. Алайда ақыр аяғында соттың шешімімен бірінші сатып алған адам жердің иесі деп танылды", - – деді Мұрат Әйтенов.
Қала басшысы Шымкентке оралған соң осы мәселені толық зерттейтінін айтты.
"Қандастарымызға барып көмек қолын созамыз. Оларды ешқашан далада қалдырмаймыз. Әріптестерім мен Шымкенттегі жомарт азаматтарды жұмылдырып мәселені қолға аламын", – деді Мұрат Әйтенов.
Шымкент қаласының сәулет, қала құрылысы және жер қатынастары басқармасы бір жердің екі адамға сатылғанын жоққа шығармады.
"Шаңырақ" шағын ауданы бұған дейін Оңтүстік Қазақстан облысына қараса, 2018 жылдан бастап Шымкентке өткен. Сол себепті де екі жер телімі бір адамға сатылған екен.
Жаңалықтар
0