Өңірлер

Павлодарда мемлекетке 2 млрд теңге залал келтірген азаматтар сотталды

© Sputnik / Абзал КалиевАрхивтегі сурет
Архивтегі сурет - Sputnik Қазақстан, 1920, 01.07.2022
Жазылу
НҰР-СҰЛТАН, 1 шілде – Sputnik. Қаржы мониторингі агенттігінің Павлодар облысы бойынша департаменті шот-фактураларды заңсыз жазып беру фактілерінің жолын кесті.
Тергеу барысында анықталғандай, Вильгельм Легин мен Сергей Рыжаков жалған тұлғаларға рәсімделген 13 компания құрған. Содан кейін материалдық пайда табу үшін 2019-2021 жыл аралығында осы компаниялардың атынан бірқатар заңды тұлғаға жалпы сомасы 6,5 млрд теңгеге жалған шот-фактуралар жазып берген.
"Легин мен Рыжаковтың қылмыстық әрекеттерінен мемлекетке төленбеген салық түрінде 2 млрд теңгеден астам сомаға залал келтірілді", - деп мәлімдеді агенттік.
Сот екеуін де кінәлі деп тауып, 2 жыл 9 айға бас бостандығынан айырды. Сондай-ақ Легиннен 13 млн теңге тәркілеу туралы үкім шығарды.
тергеу изоляторы - Sputnik Қазақстан, 1920, 01.06.2022
Қоғам
Бірнеше күн бұрын ұсталған Антикордың жалған қызметкері қамауда отыр
Жаңалықтар
0