Оқиға

Алматы облысында жол апатынан төрт адам қаза болды

© Photo : Pixabay / Alexas_Fotos Жол апаты
Жол апаты - Sputnik Қазақстан, 1920, 30.06.2022
Жазылу
Аталған факті бойынша қылмыстық тергеу басталды
ТАЛДЫҚОРҒАН, 30 маусым - Sputnik. Алматы маңындағы тасжолда болған жол апатынан үш адам оқиға орнында, біреуі ауруханада көз жұмды. Дәрігерлер зардап шеккен бесінші адамның өмірін сақтап қалуға тырысып жатыр, деп хабарлайды Sputnik Қазақстан тілшісі.
Бұл фактіні Алматы облысының полициясы растады. Жол апаты 30 маусымда Талғар ауданындағы Алматы - Жетіген автожолының 37 шақырымында болған.

"31 жастағы Lada Granta жүргізушісі Жаңалық ауылы маңында аударылды. Оқиға кезінде көлік салонында 5 адам болған. Олардың үшеуі оқиға орнында қаза болды. Кейін ауруханаға жатқызылған екі адамның біреуі көз жұмды", - деп хабарлады облыстың полиция департаменті.

Денсаулық сақтау басқармасының мәліметінше, апаттан 19 жастағы жігіт аман қалған. Дәрігерлер оның өмірін сақтап қалуға тырысуда.
"Оның жағдайы ауыр және жансақтау бөлімінде жатыр. Жарақаты өте ауыр. Дәрігерлер науқастың денсаулығы мен өміріне қажетті барлық нәрсені жасайды", - деді облыстық денсаулық сақтау баспасөз қызметінің жетекшісі Ләйлім Әубәкірова.
Аталған факті бойынша қылмыстық тергеу басталды.
Жаңалықтар
0