Депутат қызғалдақ жұлғаны үшін салынатын айыппұлды алып тастауды ұсынды

© Photo : акимат Южно-Казахстанской областиАрхивтегі фото
Архивтегі фото - Sputnik Қазақстан, 1920, 29.06.2022
Жазылу
НҰР-СҰЛТАН, 29 маусым – Sputnik. Мәжіліс депутаты Серік Ерубаев жабайы қызғалдақтар мен лотостарды жұлғаны үшін миллиондаған айыппұлды алып тастауды ұсынды, деп хабарлайды Sputnik Қазақстан тілшісі.
Депутаттың айтуынша, Қылмыстық кодекстің 335 және 339-баптарында тым қатал жаза қарастырылған.
"Бүгінгі таңда бүкіл өңірде көптеген азамат Қызыл кітапқа енгізілген жабайы қызғалдақтар мен лотостарды жұлғаны үшін миллиондаған айыппұл төлейді. Ауыл тұрғындары жабайы қызғалдақтар мен лотостардың сирек кездесетін өсімдік екенін және олар Қызыл кітапқа енгенін біле бермейді", - дейді Ерубаев.
Мысалы Түркістан облысында Ақбастау ауылы маңындағы жайылымда 6 жабайы қызғалдақты жұлған ер адам ұсталған. Қылмыстық кодекс бойынша оған 8 млн 751 мың теңге айыппұл салу не сол мөлшерде түзету жұмыстары, не 800 сағатқа дейінгі мерзімге қоғамдық жұмысқа тарту жазасы көзделген.
"Қалай болса да айыппұл төлеу үшін бұл азамат кредит алады, яғни қаржылық қиындыққа тап болады. Азаматтарға жазаны жеңілдету шарасы қарастырылмай ма? Бәлкім, бірінші рет жұлғанда тек түсіндіру жұмыстарын жүргізіп, екінші рет қайталаса, заңға сәйкес жазаласа. Сосын сирек кездесетін және жойылып кету қаупі бар өсімдіктер тізімінен жабайы қызғалдақтар мен лотостарды алып тастау мүмкіндігі бар ма?", -деп сұрады Ерубаев экология, геология және табиғи ресурстар министрінен.
Серікқали Брекешев Конституцияның 38-бабына сәйкес, табиғатты сақтау және ұқыпты қарау әр азаматтың міндеті екенін атап өтті.
"Айыппұл мен басқа да санкциялар табиғатқа зиян келтіретін азаматтарға ғана бағытталған. Сіздің ұсыныстарыңызды мәжілістің жұмыс тобы аясында қарастыруға дайынбыз", - деді Брекешев.
Жаңалықтар
0