Оқиға

Ақмола облысында суға батып бара жатқан үш жасөспірім құтқарылды

© Photo : Yelena SergiyenkoКөл
Көл - Sputnik Қазақстан, 1920, 26.06.2022
Жазылу
Yandex newsTelegram
НҰР-СҰЛТАН, 26 маусым – Sputnik. Бурабай ауданындағы Үлкен Шабақты көлінде үш қыз жағалаудан алыс жүзіп, суға батып кете жаздады.
Ақмола облысы төтенше жағдайлар департаменті баспасөз қызметінің хабарлауынша, жақын жерде болған адамдар қыздарды құтқарып қалу үшін суға лап қойған.

"Құтқарушылар оқиға орнына жеткеннен кейін екі қыздың тез арада құтқарылғаны туралы белгілі болды. 2008 жылы туған үшінші қыз бірнеше минут суға тұншығып қалған. Жасөспірімді жағаға алып шыққан кезде ол ес-түссіз жатын", - деп хабарлады Ақмола облысы төтенше жағдайлар департаментінің баспасөз қызметі.

Көл жағасында демалып жатқандардың бірі зардап шеккен қызға алғашқы медициналық көмек көрсетіп, оны бүйірмен жатқызған. Қыздың тамыр соғысы әлсіз болған. Құтқарушылар оған медициналық көмек көрсетуді жалғастырып, зембілмен жедел жәрдем көлігіне жеткізді.
Зардап шеккен қыз "өкпе ісінуі" диагнозымен жансақтау бөлімінде жатыр.
Ақмола облысының төтенше жағдайлар департаменті суға шомылу кезінде қарапайым қауіпсіздік ережелерін сақтау қажеттігі туралы еске салды.
Архивтегі фото - Sputnik Қазақстан, 1920, 25.06.2022
Көлде жоғалған баланың денесі 3 күннен кейін табылды
Жаңалықтар
0