Экономика

Қазақстан Иранға бір миллион тонна астық жібереді

© Sputnik / Тимур БатыршинАстық
Астық - Sputnik Қазақстан, 1920, 20.06.2022
Жазылу
Yandex newsTelegram
Ирандықтар Қазақстандағы алма және басқа да бақтарды дамытуға көмектеседі
НҰР-СҰЛТАН, 20 маусым – Sputnik. Қазақстан президенті Қасым-Жомарт Тоқаевтың Иран Ислам Республикасына жасаған сапары барысында осы елге бір миллион тонна көлемінде астық жеткізу туралы меморандумға қол қойылды, деп хабарлайды Sputnik Қазақстан ауыл шаруашылығы министрлігіне сілтеме жасап.
Астық 2022-2023 жылдары жиналған егіннен жеткізіледі. Ал Ираннан түрлі құрғақ және жаңа піскен жемістер, субтропикалық жемістер көптеп жіберіледі. Соның ішінде картоп, пияз, сәбіз, қияр, алма, алмұрт, айва, құрма, інжір мен ананас бар.
Бұдан бөлек, тараптар органикалық өнімдер өндіру, бау-бақша шаруашылығын суарудың заманауи әдістері мен технологиялары, тамақтану, алма және жүзім дақылдарын басқаруды реформалау саласындағы ынтымақтастықты дамытуға келісті.
Ирандықтар Қазақстандағы алма және басқа да бақтарды дамытуға көмектеседі.
"Сонымен бірге, Қазақстан мен Иран ауыл шаруашылығы өнімдерінің саудасы мен транзитінде ынтымақтастық туралы меморандумға қол қойды. Құжат шеңберінде Қазақстан Иранға дәнді дақылдар (бидай, арпа, жүгері), майлы дақылдар (зығыр тұқымы), өсімдік майлары (күнбағыс майы), кондитерлік өнімдер, ет (қой еті, сиыр еті) және ет өнімдерін жеткізуге ниетті", - делінген ресми хабарламада.
Айта кетері, биыл қаңтар-наурыз айларында екі елдің тауар айналымы 167,5 миллион АҚШ долларын құрады, бұл 2021 жылдың сәйкес кезеңімен салыстырғанда 45,8% артық.
Жаңалықтар
0