Қаңтар оқиғасы: бас прокуратура қамауға алынған адамдардың санын жариялады

© Sputnik / Тимур БатыршинАрхивтегі фото
Архивтегі фото - Sputnik Қазақстан, 1920, 20.06.2022
Жазылу
НовостиTelegram
НҰР-СҰЛТАН, 20 маусым – Sputnik. Бас прокуратура қаңтар оқиғасына қатысы бар деген күдікпен қамауға алынған адамдардың санын жариялады, деп хабарлайды Sputnik Қазақстан тілшісі.
Қылмыстық қудалау қызметінің бастығы Серік Шалабаевтың айтуынша, прокурорлар күдіктілерге қысым жасауға жол бермеу үшін тергеу изоляторлары мен қызметтік ғимараттарды аралап тұрады.
"Қазіргі кезде қаңтар оқиғасына қатысы бар 514 күдікті қамауда отыр. Қамауға алынған әрбір адамның ауыр қылмыстарға қатысқаны туралы жеткілікті мәлімет бар. Олардың барлығының құқығы қорғалған, санитарлық нормалар сақталған, тамақпен, дәрі-дәрмекпен қамтамасыз етіліп жатыр", - деді Шалабаев орталық коммуникациялар қызметінде өткен онлайн брифингте.
Оның айтуынша, 284 адамның денсаулық жағдайы және басқа да мән-жайлар ескеріле отырып, қамауда ұстау бұлтартпау шарасы ешқайда кетпеу туралы қолхатқа, кепілге, үйқамаққа және жеке кепілгерлікке ауыстырылған.
"Бүгінгі күні сотқа 392 қылмыстық іс жолданды, нәтижесінде 433 адам әртүрлі жазалау шараларына сотталды. Сот 34 адамды бас бостандығынан айырумен байланысты емес жазаға кесті", - деп атап өтті Шалабаев.
Ал қару ұрлаумен және сақтаумен байланысты ауыр қылмыс жасаған, залалды өтемеген және жазасының бір бөлігін өтемеген 46 сотталушы бас бостандығынан айырылды.
Алматыдағы тәртіпсіздік, архивтегі фото - Sputnik Қазақстан, 1920, 20.06.2022
Полиция басшыларына қатысты 9 қылмыстық іс қозғалды – бас прокуратура
Жаңалықтар
0