Өңірлер

Аптап ыстықтың беті қайтады: синоптиктер алдағы үш күннің ауа райын болжады

архив - Sputnik Қазақстан, 1920, 20.06.2022
Жазылу
Yandex newsTelegram
Жаңбырға қарамастан, елдің көп бөлігіндегі ауа температурасында айтарлықтай өзгерістер болмайды
НҰР-СҰЛТАН, 20 июн — Sputnik. 21-23 маусымда Қазақстанның басым бөлігінде аптап ыстық басылады, деп хабарлады Қазгидромет.
"Алдағы үш тәулікте Қазақстанның басым бөлігінде жаңбыр жауады. Бұған фронтальді бөлімдер ықпал етеді, соның әсерінен қысқа мерзімді жаңбыр жауады. 21 маусымда солтүстікте, елдің таулы және тау бөктеріндегі аудандарында қатты жаңбыр жауады, найзағай, желдің күшеюі күтіледі және бұршақ жаууы мүмкін", – делінген хабарламада.
Жаңбырға қарамастан, елдің көп бөлігіндегі ауа температурасында айтарлықтай өзгерістер болмайды.
Тек солтүстік аймақтарда күндіз температура 18-28 градус шамасында болып, аптап ыстықтың сәл төмендеуі күтіледі.

Ірі қалалардағы ауа райы

Ертең елордада көшпелі бұлтты, кей уақыттарда жаңбыр, найзағай күтілуде. Күндіз +29 градус, түнде 19 градус жылы. Аптаның сәрсенбісінде жауын-шашынсыз, күндіз плюс 29, түнде +17 градус.
Алматыда сейсенбіде жаңбыр жауып, найзағай ойнайды. Күндіз +29, түнде 20 градус жылы. 22 маусымда кей уақытта жаңбыр жауады деп күтілуде. Күндіз плюс 32 градус, түнде 20 градус жылы.
21 маусымда Шымкентте жаңбыр жауады. Ауа райы күндіз +32, түнде +19. Сәрсенбі күні 34 градус жылы болғанымен, найзағай ойнап, жаңбыр жауады деп күтілуде. Түнде +20 градус.
Жаңалықтар
0