https://sputnik.kz/20220614/ministr-sayasat-nurbek-ant-25510657.html

Министр Саясат Нұрбек халыққа ант берді

Министр Саясат Нұрбек халыққа ант берді

Sputnik Қазақстан

НҰР-СҰЛТАН, 14 маусым – Sputnik. Үкімет отырысында ғылым және жоғары білім министрі Саясат Нұрбек Қазақстан халқына ант берді, деп хабарлайды Sputnik Қазақстан... 14.06.2022, Sputnik Қазақстан

2022-06-14T09:22+0500

2022-06-14T09:22+0500

2023-08-10T17:13+0500

ант

https://sputnik.kz/img/07e4/0c/03/15645071_0:0:2500:1407_1920x0_80_0_0_765a090f0a27b54e7a72c3535609bf21.jpg

НҰР-СҰЛТАН, 14 маусым – Sputnik. Үкімет отырысында ғылым және жоғары білім министрі Саясат Нұрбек Қазақстан халқына ант берді, деп хабарлайды Sputnik Қазақстан тілшісі.Дәстүр бойынша аптаның сейсенбісінде өтетін үкімет отырысына жаңадан құрылған үш облыстың әкімдері де қатысып отыр. Сондай-ақ оқу-ағарту және ғылым және жоғары білім министрлері де бар.Президент жарлығымен ғылым және жоғары білім министрі болып тағайындалған Саясат Нұрбек салтанатты түрде ант берді."Қазақстан Республикасының халқы мен президенті алдында өз Отаным Қазақстан Республикасының экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге салтанатты түрде ант беремін!", - деді ол.Премьер-министр Әлихан Смайылов үкіметке қосылған шенеуніктерді құттықтап, қызметтеріне табыс тіледі. Сонымен қатар үкімет басшысы бүгін оқу ағарту министрі Асхат Аймағамбетов қырық жасқа толып отырғанын атап өтті.11 маусымда білім және ғылым министрлігі екі ведомствоға бөлінді. Президент жарлығымен Асхат Аймағамбетов оқу-ағарту министрі болып, ал Саясат Нұрбек ғылым және жоғары білім министрі лауазымына тағайындалды.

2022

Жаңалықтар

kk_KK

ант