Әлем

Еуроодақ бүгін Сбербанкті SWIFT жүйесінен ажыратады

© Sputnik / Абзал КалиевСбербанк
Сбербанк - Sputnik Қазақстан, 1920, 14.06.2022
Жазылу
Yandex newsTelegram
Кейбір елдер ресейлік активтерді бұғаттағанын хабарлады, көп брендтер Ресейден кетіп қалды
НҰР-СҰЛТАН, 14 маусым – Sputnik. 14 маусымнан бастап Еуроодақ Ресейге қарсы кезекті санкциялар пакетінің аясында Сбербанк, Россельхозбанк және Мәскеу кредит банкін (МКБ) SWIFT жүйесінен ажыратады, деп хабарлайды РИА Новости.
Сбербанк өз жұмысы қалыпты режимде жүріп жатқанын және SWIFT жүйесінен ажырату халықаралық есеп айырысу жағдайын өзгертпейтінін мәлімдеді. Мәскеу кредит банкі Ресейдегі транзакциялар штаттағы режимде жалғасатынын, алайда шет мемлекеттерге төлемдер жөнелту мерзімі ұазруы мүмкін екенін атап өтті.
Сондай-ақ Россельхозбанк ресейлік банк жүйесінде үздіксіз дербес жұмысты қамтамасыз ету үшін қажетті жағдай жасалғанын атап өтті.
Ресей Банкі қаржы ұйымдарын SWIFT жүйесінен ажырату қаупіне байланысты Ресейде қаржылық хабарламаларды жөнелтуге арналған өзіндік жүйе құрды. Оған әлемнің барлық дерлік еліндегі 11 мыңнан астам ірі банк қосылған.
Наурыздың басында Еуроодақ ВТБ, "Россия" және "Открытие" банктерін, Новикомбанк, Промсвязьбанк, Совкомбанк пен ВЭБ мемлекеттік корпорациясын SWIFT жүйесінен ажырату туралы шешім қабылдады.
Ресей мен Украина арасындағы жағдай ушыққан соң кейбір елдер ресейлік активтерді бұғаттағанын хабарлады, көп брендтер Ресейден кетіп қалды.
Еуроодақ негізінен көмір мен мұнай импортына эмбарго енгізуді қарастыратын санкциялардың алты пакетін бекітті.
Жаңалықтар
0