Елорда тынысы

Нұр-Сұлтанда 64 адам тамақтан уланып қалды

© Sputnik / Дмитрий Чеботаев / Фотобанкке өтуЯпонская кухня
Японская кухня - Sputnik Қазақстан, 1920, 13.06.2022
Жазылу
Yandex newsTelegram
барлығы бір қоғамдық тамақтану орнында болған
НҰР-СҰЛТАН, 13 маусым – Sputnik. Нұр-Сұлтанда екі күннің ішінде тамақтан уланған ондаған адам ауруханаға түсті. Барлық бір жерден тамақ ішкен болып шықты, деп хабарлайды Sputnik Қазақстан.
Санитарлық-эпидемиологиялық бақылау депаратменті ұсынған ақпаратқа сәйкес, 9-10 маусым күндері бірнеше аураханадан адамдардың тамақтан уланғаны туралы хабар түскен.
64 адамның барлығы бір қоғамдық тамақтану орнында болған. Сол жерде тамақ ішкеннен кейін ауырып қалғанын айтты. Депаратменттің Байқоңыр аудандық басқармасы бірден полицияға ақпарат жіберді.
Соның негізінде Қылмыстық кодекстің 304-бабы бойынша сотқа дейінгі тергеу шаралары басталды.
Бұдан бөлек, санитарлар 10 маусымда қоғамдық тамақтану орнында жоспардан тыс тексерісті бастады.
Сол кезде біраз тәртіп бұзушылық анықталды.
Олар:
адамдар отыратын орындардың артық болуы;
арнайы цехтың жоқтығы, бәрін бір бөлмеде жасайды;
құрал-саймандар таңбалау талаптарының сақталмауы;
дайын өнімдер мен азық-түлікті дұрыс сақталмауы;
ұжымды тексеру журналының болмауы.
Тексеріс кезінде қажетті сынамалар алынды. Кәсіпорынның 15 қызметкері де тексерілді. Барлық сынама зертханаға жіберілді. Жоспардан тыс тексеріс жалғасып жатыр.
"Осы уақытқа дейін медициналық көмекке 64 адам жүгінді. Олардың ішінде 52-сі ауруханаға жатқызылды, тағы 12 адам үйде ем-дом алып жүр", - дейді депаратмент мамандары.
Жаңалықтар
0