Өңірлер

Асфальтты қолмен қопарып тастаған тұрғынға әкімдік жауап берді – видео

© Photo : Пресс-служба акима Туркестанской областиАсфальт
Асфальт  - Sputnik Қазақстан, 1920, 10.06.2022
Жазылу
Yandex newsTelegram
Бір-бір жарым айдан кейін төселген асфальттан сынама алынады
НҰР-СҰЛТАН, 10 маусым – Sputnik. Мойынқұм ауданының әкімдігі желіде тараған видеоға қатысты түсініктеме берді, деп хабарлайды Sputnik Қазақстан.
Әлеуметтік желіде Жамбыл облысының Қарабөгет ауылында түсірілген видео тарап жүр. Авторы екі саусағымен асфальтты оп-оңай қопарып тастаған. Ауыл Мойынқұм ауданына қарайды.
Sputnik Қазақстан тілшісі аудан әкімдігіне хабарласып, "қолмен алынатын асфальт" туралы сұрады.
Әкімнің орынбасары Жақсыбек Исақовтың айтуынша, видеоға түсірілген жол жабындысы "салқын асфальт" деп аталады. Ол әлі қатпаған.
"Біздің ауданымызда асфальт зауыты жоқ. Инертті материал да жоқ. Ал елді мекендер бір-бірінен шалғай орналасқан. Бәрін Хантаудан және Шудан тасимыз. Ыстық асфальт таситын болсақ, қажетті жеріне жеткізгенше қатып қалады. Сол себепті "салқын асфальтты" қолданамыз. Қарабөгет ауылынан бастадық. "Салқын асфальттың" үстімен көлік жиі жүрсе, 20-25 күннің ішінде қалыптасып қатады. Ал көлік аз жүрсе, 40-45 күн керек. Тұрғындар жаңа салынған асфальтты қопарған ғой", - дейді Исақов.
Оның сөзіне қарағанда, бір-бір жарым айдан кейін төселген асфальттан сынама алынады. Егер жол сапасыз деп танылса, мердігер қайтадан істейді.
"Халық соны түсінбей жатыр. Алдында барып, жергілікті тұрғындар арасында түсіндіру жұмыстарын жүргіздік. Үстімен жүк көліктері жүрмесін, кілт тоқтауға болмайды дедік. Ақырын ғана жүру керек, жылдам айналып кетуге де болмайды. "Салқын асфальт" әлі қатқан жоқ", - деп атап көрсетті Исақов.
Жаңалықтар
0