Қоғам

Отанға оралған қандастардың басым бөлігі қай елден келгені белгілі болды

© Photo : Пресс-служба МИД Казахстана Кандастар
Кандастар - Sputnik Қазақстан, 1920, 03.06.2022
Жазылу
НовостиTelegram
Келген қандастардың көбі Алматы қаласына тұрақтаған
НҰР-СҰЛТАН, 3 маусым – Sputnik. 1 маусымдағы жағдай бойынша 5 679 этникалық қазақ тарихи отанымен табысып, қандас мәртебесін алды.
Еңбек және халықты әлеуметтік қорғау министрлігінің хабарлауынша, жалпы 1991 жылдан бері республикаға 1 миллион 93,5 мың этникалық қазақ оралды.
Жыл басынан бері Қазақстанға келген қандастардың жартысынан көбі (68,7%) Өзбекстаннан, 10,4% – Қытайдан, 8,8% – Түрікменстаннан, 2,6% – Моңғолиядан және 9,5% басқа елдерден қоныс аударған.
Келген этникалық қазақтар негізінен Алматы (31,1%), Маңғыстау (18,8%), Түркістан (10,3%) және Жамбыл (6,2%) облыстарына, сондай-ақ Алматы (6%), Нұр-Сұлтан (6,9%) және Шымкент (7,9%) қалаларына қоныстанды.
Осы жылғы 1 маусымдағы жағдай бойынша еңбекке қабілетті жастағы этникалық қоныс аударушылар саны 63,2%, еңбекке қабілетті жастан кіші қоныс аударушылар саны 22,8% және зейнеткерлер саны 14%.
Еңбекке қабілетті жастағы қандастардың ішінен білім деңгейі бойынша 11,4%-ы жоғары білімді, 40,3%-ы орта кәсіби білімді, 46,6%-ы жалпы орта білімді және 1,7%-ның білімі жоқ.
Жаңалықтар
0