Оқиға

Баянауыл ұлттық паркіндегі өрт бақылауға алынды – видео

© Photo : областная территориальная инспекция лесного хозяйства и животного мираөрт
өрт - Sputnik Қазақстан, 1920, 03.06.2022
Жазылу
Өрт аумағы орманды алқаптың 5-7 гектарын құрап отыр
НҰР-СҰЛТАН, 3 маусым – Sputnik. Кеше Баянауыл ұлттық табиғи паркінде болған өрт ауыздықталып, бақылауға алынды, деп хабарлады Sputnik Қазақстан тілшісіне Павлодар облыстық орман шаруашылығы және жануарлар дүниесі аймақтық инспекциясының директоры Руслан Төлепбаев.
"Баянауыл ұлттық табиғи паркіндегі өрт туралы хабарлама кеше, 2 маусым күні сағат 11.58-де келіп түсті. Өрттің жалпы аумағы шамамен 5-7 гектарды құрайды. Бұл ойлы-қырлы жер болғандықтан өрт аумағына жету, тілсіз жаумен күресу қиын болып тұр. Сондықтан көп жерде өртті арнайы сөмке асынған өрт сөндірушілер жаяу жүріп, өртті сөндіруіне тура келді. Олар ағаштарға өрмелеп шығып, жоғарыдан шағын өрт ошақтарына су сеуіп жатыр", - деді орман инспекциясының директоры.
Орман инспекциясы директорының айтуынша, 3 мамыр күні сағат 9.30-да өрт аумағы толығымен бақылауға алынды. Өртті сөндіруге 40-қа жуық техника мен 100-ден астам өрт сөндіруші жұмылдырылған.
Әлі де аздап түтіндеп жатқан аумақ бар, бірақ ашық өрт таралу қаупі жоқ. Өрттің шығуына найзағай себеп болған. Адамдар мен жануарлар зардап шеккен жоқ.
Жаңалықтар
0