https://sputnik.kz/20220530/turkistan-darigerler-aqsha-video-25159573.html

Түркістан облысында дәрігерлерден миллиондап ақша бопсалаған екі күдікті ұсталды – видео

Түркістан облысында дәрігерлерден миллиондап ақша бопсалаған екі күдікті ұсталды – видео

Sputnik Қазақстан

Сотта олардың кінәсі дәлелденсе, әрбіреуі 7-15 жылға бас бостандығынан айырылуы мүмкін 30.05.2022, Sputnik Қазақстан

2022-05-30T10:02+0500

2022-05-30T10:02+0500

2023-08-10T12:26+0500

өңірлер

түркістан облысы

ақша

дәрігер

https://sputnik.kz/img/07e4/0c/0a/15703845_1:0:3000:1687_1920x0_80_0_0_7ac855a0413b0f5624bece94b22a2148.jpg

НҰР-СҰЛТАН, 30 мамыр – Sputnik. Түркістан облысында полиция қызметкерлері мен ұлттық қауіпсіздік комитетінің мамандары арнайы операция өткізді. Оған арнайы жасақ та тартылды. Бірлескен іс-қимылдың нәтижесінде дәрігерлерден миллиондап ақша бопсалаған екі күдікті ұсталды, деп хабарлайды Sputnik Қазақстан ішкі істер органдарына сілтеме жасап.Мақтарал және Жетісай аудандарының екі тұрғыны дәрігерлерден ақша бопсалауда бір әдіс-тәсілді ғана қолданған. Алдымен халық арасында ауруханадағы қаржылық тәртіп бұзушылықтар туралы жалған ақпарат таратқан. Кейін тексеріс жібереміз деп қорқытқан. Осылайша, бірнеше мекемеден қыруар ақша жинаған. Бұл жолы екеуі тағы бір ауруханадан 32 миллион теңге талап еткен. Бірақ медицина қызметкерлерінің біреуі полицияға арыз жазған. Ол да әлдебіреулер ауруханаға кір келтіретін мәліметтерді таратып, артынан тексеріс ұйымдастырамыз деп қорқытқанын айтқан. Арнайы операция кезінде күдіктінің біреуі Жетісайдағы дәмханада ақша алу үстінде ұсталды. Ал екіншісі Шымкент қаласында қолға түскен. Екеуі де уақытша ұстау изоляторына тоғытылды. Сотта олардың кінәсі дәлелденсе, әрбіреуі 7-15 жылға бас бостандығынан айырылуы мүмкін. Мүлкі де тәркіленеді.

түркістан облысы

2022

Жаңалықтар

kk_KK

түркістан облысы, ақша, дәрігер