Оқиға

Сот мамонттың азу тістерін Қытайға жөнелтпек болғандарға үкім шығарды

© Photo : АФМКонтрафактілік тауар
Контрафактілік тауар - Sputnik Қазақстан, 1920, 25.05.2022
Жазылу
Көне артефактілер Қазақстанға Якутиядан жеткізілген
НҰР-СҰЛТАН, 25 мамыр – Sputnik. Нұр-Сұлтанда Қазақстан арқылы Қытайға мамонт азу тістері мен көне мүйізтұмсық мүйіздерін алып өтпек болғандарға қатысты сот үкімі шықты.
Көне жануарлардың қалдықтары елімізге Ресейден (Саха Республикасынан) әкелінді, деп хабарлайды Бас көлік прокуратурасы.
Сарапшылардың айтуынша, олардың салмағы 5 тоннаны құрайды, ал құны 1 миллиард теңгеден (2,4 миллион доллар) асады.
Бұл заттарды шет мемлекетке шығаруға арналған лицензияны Қазақстанда алу үшін артефакттардың мәдени құндылығының жоқтығы туралы аккредитациядан айырылған ресейлік маманның жалған қорытындысы ұсынылған.
Сот 4,6 жылға бас бостандығынан айыру жазасын тағайындады. Азу тістердің негізгі бөлігі Қазақстан Республикасының Ұлттық музейіне, қалғаны бұл заттардың заңды иелері болып табылатын Саха Республикасының кәсіпкерлеріне жолданды. Сот үкімі заңды күшіне енген жоқ.
2021 жылдың қазан айында 2 тонна мамонт тісі мен мүйізтұмсық мүйізін контрабандалық жолмен тасымалдаудың жолы кесілгені туралы хабарланған болатын. Контрабандалық жүк Нұр-Сұлтан халықаралық әуежайында анықталғаны белгілі болды.
Жаңалықтар
0