https://sputnik.kz/20220524/zharylys-taldyqorgandyqtar-25042835.html

Талдықорғанда жарылысқа ұқсас дыбыс тұрғындардың зәресін ұшырды

Талдықорғанда жарылысқа ұқсас дыбыс тұрғындардың зәресін ұшырды

Sputnik Қазақстан

Қалада не болғаны әзірге белгісіз. Тұрғындардың айтуынша, жарылыстан үйлер шайқалған 24.05.2022, Sputnik Қазақстан

2022-05-24T17:32+0500

2022-05-24T17:32+0500

2022-05-24T18:14+0500

жарылыс

https://sputnik.kz/img/07e6/01/05/19055909_1:0:3640:2047_1920x0_80_0_0_089e031bdfd65bb42d1adf80fed66e05.jpg

НҰР-СҰЛТАН, 24 мамыр – Sputnik. Оқиғаның мән-жайын Sputnik Қазақстан тілшісі анықтап жатыр.Әлеуметтік желіде отырған адамдар гүрсіл қаланың түкпір-түкпірінде естілгенін жазып жатыр. Көліктердің дабылы іске қосылып, үйлер шайқалған. Расталмаған мәліметтерге қарағанда, жарылыс тіпті Талдықорғаннан 40 шақырымдай жерде орналасқан Текелі қаласында да естілген."Қазақстан" кинотеатрының алдындағы ойын алаңында балалармен және итпен серуендеп жүр едік, жеке сектор аумағында, саяжайларға жақын жерде бірдеңе дүрс етті. Балалар қорыққанынан жүрелеп отырып қалды. Өтіп бара жатқандардың бәрі шошып кетті, кейбіреуі балаларын ертіп үйлеріне қайтты. Адамдар қаланың бір жерінде төтенше жағдай болғанын, газ бен жарық өшірілетінін айта бастады. Бірақ дәл қазір электр жарығы мен газ бар", - деді Sputnik Қазақстан тілшісіне жергілікті тұрғындардың бірі.Ресми органдар әзірге ақпарат берген жоқ.Кейбір қала тұрғындары тауда жарылыс жұмыстары жүргізіліп жатыр деп болжады.

2022

Жаңалықтар

kk_KK

жарылыс