https://sputnik.kz/20220523/shymkent-politsey-qutqaryp-kaidy-video-24983467.html
Шымкенттік полицей көпірден секірмек болған ер адамды құтқарып қалды – видео
Шымкенттік полицей көпірден секірмек болған ер адамды құтқарып қалды – видео
Sputnik Қазақстан
Тәртіп сақшысы дер кезінде оқиға орнына жеткен 23.05.2022, Sputnik Қазақстан
2022-05-23T11:35+0500
2022-05-23T11:35+0500
2022-05-23T13:28+0500
өңірлер
шымкент
көпір
https://sputnik.kz/img/07e5/09/1a/18233166_0:157:2997:1842_1920x0_80_0_0_0846db10e0a110072cc2a70a0b2ff881.jpg
НҰР-СҰЛТАН, 23 мамыр – Sputnik. Шымкенттік полицей көпірден секірмек болған ер адамды құтқарып қалды, деп хабарлайды Polisia.kz. 895 жаяу бағыттағы патрульдік полиция полкінің қызмет инспекторы Анаров және Төле би көшелерінің қиылысында істен шыққан бағдаршамды реттеп, қызмет атқару барысында жергілікті тұрғын көмек сұрайды.Айтуынша, сол маңдағы Қапал батыр көшесіндегі көпірден адам өз-өзіне қол жұмсамақ болып, көпірдің жақтауында секіргелі тұрғанын көрген. Аталған жайт күндізгі уақытта орын алған. Бұл жағдайға бей-жай қарамаған тәртіп сақшысы дер кезінде оқиға орнына жеткен. Ер адамның көпір жақтауына шығып, секіруге оқталғанын көреді. Оны сөзге тарта отырып, жедел әрекет етіп, жанына жақындап қауіпсіз жерге шығарады. Осы оқиға полицейдің бейнежетонына жазылған. Сондай-ақ, Жедел басқару орталығының бейнебақылау камераларында азамат алдымен жолда жүріп жатқан көліктердің астына түспекші болғаны белгілі болды. "Күнделікті жұмысқа келгенде бірінші ойым – қоғам тыныштығын сақтап, адамдардың қауіпсіздігін қамтамасыз ету. Қызмет барысында менде мұндай жағдай бірінші рет орын алып отыр. Менен көмек сұрағанда, бірден ол адам мен жеткенше жаман қадамға бармай, өмірін құтқарып қалсам екен деген ниет болды. Аллаға шүкір, азаматты құтқарып үлгердік, ол дін аман", – деді полицей Жанболат Тастахов. Өмірімен қош айтыспақ болған азаматтан мән-жайды анықтау үшін Еңбекші ауданы Полиция басқармасына жеткізіліп, үйіне қайтарылды.
шымкент
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
шымкент, көпір
Шымкенттік полицей көпірден секірмек болған ер адамды құтқарып қалды – видео
11:35 23.05.2022 (жаңартылды: 13:28 23.05.2022) Тәртіп сақшысы дер кезінде оқиға орнына жеткен
НҰР-СҰЛТАН, 23 мамыр – Sputnik. Шымкенттік полицей көпірден секірмек болған ер адамды құтқарып қалды, деп хабарлайды
Polisia.kz.
895 жаяу бағыттағы патрульдік полиция полкінің қызмет инспекторы Анаров және Төле би көшелерінің қиылысында істен шыққан бағдаршамды реттеп, қызмет атқару барысында жергілікті тұрғын көмек сұрайды.
Айтуынша, сол маңдағы Қапал батыр көшесіндегі көпірден адам өз-өзіне қол жұмсамақ болып, көпірдің жақтауында секіргелі тұрғанын көрген.
Аталған жайт күндізгі уақытта орын алған. Бұл жағдайға бей-жай қарамаған тәртіп сақшысы дер кезінде оқиға орнына жеткен.
Ер адамның көпір жақтауына шығып, секіруге оқталғанын көреді. Оны сөзге тарта отырып, жедел әрекет етіп, жанына жақындап қауіпсіз жерге шығарады. Осы оқиға полицейдің бейнежетонына жазылған.
Сондай-ақ, Жедел басқару орталығының бейнебақылау камераларында азамат алдымен жолда жүріп жатқан көліктердің астына түспекші болғаны белгілі болды.
"Күнделікті жұмысқа келгенде бірінші ойым – қоғам тыныштығын сақтап, адамдардың қауіпсіздігін қамтамасыз ету. Қызмет барысында менде мұндай жағдай бірінші рет орын алып отыр. Менен көмек сұрағанда, бірден ол адам мен жеткенше жаман қадамға бармай, өмірін құтқарып қалсам екен деген ниет болды. Аллаға шүкір, азаматты құтқарып үлгердік, ол дін аман", – деді полицей Жанболат Тастахов.
Өмірімен қош айтыспақ болған азаматтан мән-жайды анықтау үшін Еңбекші ауданы Полиция басқармасына жеткізіліп, үйіне қайтарылды.
