"Болашақ" стипендиясына құжат қабылдау басталды

© Sputnik / Владислав ВодневБОЛАШАҚ, Халықаралық бағдарламалар орталығы
БОЛАШАҚ, Халықаралық бағдарламалар орталығы - Sputnik Қазақстан, 1920, 23.05.2022
Жазылу
Биыл инженерлік-техникалық кадрларды даярлауға басты назар аударылады. Құжатты осы жылдың 14 қазанына дейін тапсыруға болады
НҰР-СҰЛТАН, 23 мамыр – Sputnik. "Болашақ" халықаралық бағдарламасы бойынша құжат қабылдау басталды.
Өтініш 2022 жылдың 14 қазанына дейін Egov.kz мемлекеттік қызметтер порталы арқылы қабылданады.
"Биыл тағылымдамадан өтуге құжат қабылдау 2022 жылдың 5 қыркүйегінде басталып, 14 қазанға дейін жалғасады", - деп хабарлады білім және ғылым министрлігінің баспасөз қызметі.
Конкурстық іріктеу 2022 жылдың 30 мамыры мен 30 қарашасы аралығында өтеді.
Осы жылы магистратура мен резидентураға 385, докторантураға 60 стипендия бөлінді.
Биыл "Болашақ" бағдарламасы бойынша техникалық және IT мамандықтарға гранттар саны 60 пайызға дейін ұлғайтылды.
"Мемлекет басшысының тапсырмасымен "Болашақ" бағдарламасын қайта бағдарлау процесі іске қосылды – енді инженерлік-техникалық кадрларды даярлауға басты назар аударылады:
"Инженерлік жүйелер мен желілер";
"Авиация және аэроғарыштық техника. Әуе қозғалысын басқару";
"Үлкен деректерді талдау";
"Жаңа материалдар технологиясы";
"Деректер базасын басқару";
"Авиациялық техника және технологиялар";
"Машина жасау";
"Өнеркәсіптік автоматтандыру" және т.б.
Жалпы биыл "Болашақ"бағдарламасы бойынша басым мамандықтар тізімінде академиялық оқуға 92, тағылымдамадан өтуге 158 мамандық қарастырылған. Еңбек нарығының үрдістерін талдау негізінде осы жылы тізілімге инновациялар, жаңа технологиялар, медицина және өнеркәсіптік инженерия, жаратылыстану ғылымдары саласындағы 40 жаңа мамандық енгізілді.
"Болашақ" халықаралық стипендиясына конкурстық іріктеу 3 кезеңнен тұрады:
кешенді тестілеу;
тәуелсіз сарапшылық комиссиясы мүшелерімен жеке әңгімелесу;
шетелде кадрлар даярлау жөніндегі республикалық комиссия отырысында құжаттарды қарау.
1.
Басым мамандықтар тізімі.
2.
Ұсынылатын университеттер тізімі.
3.
Қажетті құжаттар тізімі.
Жаңалықтар
0