Экономика

Еуразиялық банк автокредитке өтінімді қайта қабылдау мерзімін атады

© Photo : РixabayҚұжаттарға қол қою
Құжаттарға қол қою - Sputnik Қазақстан, 1920, 23.05.2022
Жазылу
Жеңілдетілген автокредит бағдарламасы аясында Еуразиялық банкке 35 миллиард теңге бөлінеді деген жоспар бар
НҰР-СҰЛТАН, 23 мамыр – Sputnik. Маусым айының басында Еуразиялық банк жеңілдетілген автокредит бойынша өтінімдерді қайта қабылдай бастайды, деп хабарлайды Sputnik Қазақстан тілшісі.
20 мамырда банк жеңілдетілген автокредит бойынша өтінім қабылдауды уақытша тоқтатқанын мәлімдеген болатын. Себебі "бөлінген мемлекеттік лимит төрт күн ішінде таусылып қалған". Еуразиялық банк 16 мамырдан бері 9 мың өтінім қабылдады. Енді кезекті транш күтіп отыр.
"Еуразиялық банк" АҚ филиал директорының орынбасары Жансерік Сабыржанның айтуынша, алғашқы транш аясында 15 миллиард теңге бөлінген.

"Қазіргі кезде өтінім қабылдауды уақытша тоқтаттық. Маусымның басында жұмысты қайтадан бастаймыз. Бір аптаның ішінде 15 миллиард теңгенің өтінімі мақұлданды", - деді Сабыржан орталық коммуникациялар қызметінде өткен брифингте.

Жеңілдетілген автокредит бағдарламасы аясында Еуразиялық банкке 35 миллиард теңге бөлінеді деген жоспар бар. Осы бағдарламаға Halyk bank, БанкЦентрКредит пен Forte Bank қатысып жатыр.
автокредиттеу - Sputnik Қазақстан, 1920, 23.05.2022
Қоғам
Автокредит бағдарламасы: Huyndai мен Kia қашан келеді
Жаңалықтар
0