Жеңілдетілген автокредит: алғашқы күні 2 мыңнан аса өтінім түсті

© Sputnik / Владислав ВодневАрхивтегі фото
Архивтегі фото - Sputnik Қазақстан, 1920, 17.05.2022
Жазылу
Банк Центр кредит 1010, ал Еуразиялық банк 1200 өтінім қабылдады
НҰР-СҰЛТАН, 17 мамыр – Sputnik. Кеше, 16 мамыр жеңілдетілген автокредит бағдарламасы бойынша 2,2 мың өтінім түсті. Әзірге өтінімді екі банк қана қабылдап жатыр. Бұл туралы индустрия және инфрақұрылымдық даму министрі Қайырбек Өскенбаев мәлімдеді, деп хабарлайды Sputnik Қазақстан тілшісі.
"Кеше Банк Центр кредит 1010 өтінім, ал Еуразиялық банк 1200 өтінім қабылдады. Қазір олар өңделіп жатыр. Яғни бір күнде екі мыңнан астам өтінім түсті", - деді Өскенбаев үкімет кулуарында.
Осы орайда министр автосалондардағы кешегі дүрбелең мен ұзын-сонар кезекке қатысты да пікір білдірді.
"Бұл әдеттегі процедура. Үкімет уәде бергендей, 16 мамырда банктер өтінім қабылдай бастайды. Бұл да біздің мәдениетіміз ғой, егер бәріміз бір уақытта, таңғы сегіз-тоғызда бармасақ, мұндай кезек болмас еді. Қазір мысалы ұзын-сонар кезек жоқ", - деді ол.
Еске салсақ, 16 мамырда 4%-тік жеңілдетілген автокредит бағдарламасы басталды. 16 мамыр түстен кейін өтінімдерді тек Банк Центркредит пен Еуразиялық банк қабылдады. Қалған банктер аптаның соңына қарай қосылады.
Жалпы автокредитті барлығы төрт банк – Халық банкі, Банк Центркредит, Forte Bank және Еуразиялық банк береді.
Жеңілдетілген автокредит бағдарламасы басталды: автосалондардағы дүрбелең - Sputnik Қазақстан, 1920, 16.05.2022
Қоғам
Көптен күткен 4%-тік автокредит беріле бастады: автосалондардағы дүрбелең – видео
Жаңалықтар
0