Әлем

Немере сыйламаған: Үндістан тұрғындары келін-баласын сотқа берді

Сәби - Sputnik Қазақстан, 1920, 16.05.2022
Жазылу
Yandex newsTelegram
Ерлі-зайыптының арызы мамыр айының соңында қаралады
НҰР-СҰЛТАН, 16 мамыр — Sputnik. Үндістан тұрғындары ұлының үйленгеніне алты жыл болса да, немере сүйе алмағандарына наразы. Олар келін-баласын сотқа берді, деп хабарлайды India Today.
Санжив пен Адана Прасад арызды Харидвара қаласының сотына жолдамаған. Олар өздерінің жиған-тергенін — шамамен 80 мың долларды ұлына жұмсаған. Оны ұшқышқа оқытып, үйлену тойын өткізіп берген.
"Біз оны тәрбиелеу үшін өз өмірімізді құрбан еттік. Оны оқыту үшін 2 миллион рупий кредит алдық. Бірақ келін-баламыз немере сүю мүмкіндігін бермей, бізге моральдық зиян келтірді. Жұрт үнемі осы жайлы сұрақтар қояды, бұл жағдаймызды одан сайын ушықтыра түседі", - делінген арызда.
Енді Прасадтар ұлынан моральдық өтемақы ретінде 65 мың доллар талап етіп отыр. Егер бір жыл ішінде бала болмаса, осы соманы төлеуі мүмкін. Сот олардың өтінішін мамыр айының соңында қарайды деп күтілуде.
"Ата-әже атану - әр ата-ананың арманы, олар мұны жылдар бойы күтті. Олар ұлын көндіруге тырысты, бірақ ол тыңдамады. Менің клиенттерім өмір бойы немере сүйе алмай өтеміз деп қорқады", - деді олардың адвокаты.
Сотқа жүгінгеннен кейін жастар басқа қалаға көшіп, ата-анасымен байланыс үзгені туралы хабарланып отыр.
Жаңалықтар
0