Тоқаев ҰҚШҰ саммитіне қатысады

© Sputnik / Алексей Никольский / Фотобанкке өту28 ноября 2019. Президент Казахстана Касым-Жомарт Токаев на заседании Совета коллективной безопасности ОДКБ в узком составе
28 ноября 2019. Президент Казахстана Касым-Жомарт Токаев на заседании Совета коллективной безопасности ОДКБ в узком составе - Sputnik Қазақстан, 1920, 13.05.2022
Жазылу
Yandex newsTelegram
НҰР-СҰЛТАН, 13 мамыр – Sputnik. Армения премьер-министрі Никол Пашинян, Беларусь президенті Александр Лукашенко, Қазақстан президенті Қасым-Жомарт Тоқаев, Қырғыз Республикасының президенті Садыр Жапаров, Ресей президенті Владимир Путин және Тәжікстан президенті Эмомали Рахмон 16 мамырда Кремльде өтетін Ұжымдық қауіпсіздік кеңесінің отырысына қатысады. Бұл туралы Ұжымдық қауіпсіздік шарт ұйымы (ҰҚШҰ) Парламенттік ассамблеясының баспасөз қызметі хабарлады.
Кездесу ұжымдық қауіпсіздік шартына қол қойылғанына 30 жыл және ҰҚШҰ құрылғанына 20 жыл толуына арналады.
"Ұжымдық қауіпсіздік кеңесінің отырысына ҰҚШҰ Бас хатшысы Станислав Зась та қатысады. ҰҚШҰ ұжымдық қауіпсіздік кеңесінің мүшелері ұйымның жауапкершілік аймағындағы жағдайды, оның даму перспективаларын талқылап, ҰҚШҰ-ның мерейтойына арнап мәлімдеме қабылдайды деп жоспарланып отыр", - делінген ҰҚШҰ хабарламасында.
Бұған дейін ҰҚШҰ-ға мүше елдер басшыларының кездесуі жұмыс таңғы асы форматында өтетіні хабарланды.
2022 жылы ҰҚШҰ-ға Армения Республикасы төрағалық етіп жатыр.
Еске сала кетейік, 10 қаңтарда президент Қасым-Жомарт Тоқаев Қазақстан тарапының бастамасымен шақырылған ҰҚШҰ Ұжымдық қауіпсіздік кеңесінің кезектен тыс сессиясына қатысты.
ҰҚШҰ елдері биыл "Жауынгерлік бауырластық-2022" бірлескен оқу-жаттығуларын өткізеді.
Жаңалықтар
0