Өзбекстанның теміржол компаниясы Қазақстанмен жолаушылар тасымалын қалпына келтіреді

© Sputnik / Тимур БатыршинЖолаушылар пойызы
Жолаушылар пойызы - Sputnik Қазақстан, 1920, 12.05.2022
Жазылу
"Нүкіс – Бейнеу – Нүкіс" және"Алматы – Ташкент – Алматы" бағытындағы жолаушылар пойыздары аптасына үш рет жүреді
НҰР-СҰЛТАН, 11 мамыр – Sputnik. "Өзбекстан темір жолдары" АҚ 15 мамырдан бастап Қазақстанға жолаушы тасымалдау қайта қолға алынатынын мәлімдеді, деп хабарлайды Sputnik Қазақстан компанияның баспасөз қызметіне сілтеме жасап.
Өзбекстан 2020 жылы коронавирус пандемиясы басталғаннан кейін көрші елдерге теміржолмен жолаушылар тасымалын тоқтатқан болатын. Биыл "Өзбекстан темір жолдары" компаниясы 1 сәуірде жолаушылар қатынасын ашуды жоспарлаған. Алайда Қазақстандағы карантиндік шектеулерге байланысты ол шешімді кейінге қалдырды.
"Қазақстан темір жолы" ҰК" АҚ-сымен келісіле отырып, Қазақстан Республикасымен арадағы жолаушылар тасымалын қалпына келтіруге шешім қабылданды", - делінген ресми хабарламада.
Осылайша, 15 мамырдан бастап "Нүкіс – Бейнеу – Нүкіс" жолауышалар пойызы жолға шықса, 16 мамырда "Алматы– Ташкент – Алматы" бағытында жолаушылар тасымалдау басталады. Пойыздар аптасына үш рет жүреді.
Осы орайда "Өзбекстан темір жолдары" компаниясы Қазақстанға баратын жолаушыларға ПТР-тест тапсыру қажеттігін еске салды.
Жаңалықтар
0