Алматыдағы жаппай тәрпісіздіктер - Sputnik Қазақстан, 1920, 23.05.2022
Қаңтар оқиғасы
2022 жылғы қаңтарда Алматы қаласы мен басқа да өңірлерде болған жаппай тәртіпсіздіктерге қатысты материалдар

Кәрім Мәсімов пен оның орынбасарларын қамауда ұстау мерзімі бір айға ұзартылды – ҰҚК

© Sputnik / Владислав ВодневКәрім Мәсімов
Кәрім Мәсімов  - Sputnik Қазақстан, 1920, 12.05.2022
Жазылу
Yandex newsTelegram
Тергеу органдары ҰҚК-нің бұрынғы басшылары жасаған қылмыстардың ауырлығын ескере отырып, күдіктілерді қамауда ұстау туралы шешім қабылдады
НҰР-СҰЛТАН, 12 мамыр – Sputnik. Ұлттық қауіпсіздік комитетінің экс-төрағасы Кәрім Мәсімовті қамауға алу мерзімі бір айға ұзартылды.
ҰҚК баспасөз қызметінің хабарлауынша, Кәрім Мәсімов пен Әнуар Садықұловты қамауда ұстау мерзімі 6 маусымға дейін, ал Дәулет Ерғожинді қамау мерзімі 13 маусымға дейін ұзартылды.
"ҰҚК-нің жедел тергеу тобы Мәсімов, Садықұлов, Ерғожин және басқа да тұлғаларға қатысты Қазақстан Қылмыстық кодексінің 175-бабы 1-бөлігі, 179-бабы 3-бөлігі, 218-бабы 3-бөлігі 3-тармағы, 362-бабы 4-бөлігі 3-тармағы, 366-бабы 4-бөлігінде көзделген қылмыс белгілері бойынша қылмыстық істі тергеуді жалғастырып жатыр", - делінген ҰҚК-нің Sputnik Қазақстанның сауалына берген жауабында.
Сондай-ақ ҰҚК төрағаның экс-орынбасары Марат Осиповты қамауға алу мерзімі 2022 жылдың 22 мамырына дейін ұзартылғанын хабарлады.
"Жасалған қылмыстардың мән-жайы мен ауырлығын, сондай-ақ бұл адамдар істі объективті тергеуге кедергі келтіруі мүмкін деп пайымдауға жеткілікті негіздердің болуын ескере отырып, қамауда ұстау бұлтартпау шарасын қолдану және кейіннен ұзарту туралы шешім қабылданды", - делінген комитеттің хабарламасында.
Айта кетері, Қылмыстық іс жүргізу кодексінің 151-бабына сәйкес, аталған қылмыс санаттары бойынша қамауға ұстау мерзімі 18 айдан аспауы керек.
Еске сала кетейік, 6 қаңтарда ҰҚК мемлекеттік опасыздық фактісі бойынша сотқа дейінгі тергеуді бастады – Кәрім Мәсімов пен оның Самат Әбіштен басқа барлық орынбасары ұсталып, уақытша ұстау изоляторына қамалды.
Жаңалықтар
0