Павлодарда пәтер өртенді: 30 шақты адам эвакуацияланды

© Photo : Официальный сайт акимата Нур-Султана өрт сөндіру көлігі
өрт сөндіру көлігі  - Sputnik Қазақстан, 1920, 07.05.2022
Жазылу
Үш адамға медициналық көмек көрсетілді
НҰР-СҰЛТАН, 7 мамыр – Sputnik. Павлодарда көп қабатты үйдің пәтері өртеніп, 30 шақты тұрғын эвакуацияланды.
Облыстықтөтенше жағдайлар департаментінің мәліметінше, 6 мамырда сағат 19.28-де Естай көшесі, 101 мекенжайы бойынша өрт шыққаны туралы хабарлама түскен.
"Он екі қабатты тұрғын үйдің үшінші қабатында екі бөлмелі пәтерде балкон, үй заттары, терезенің ағаш жақтаулары жанған. Өрт шалған аумақтың жалпы алаңы 6 шаршы метрді құрады. Өрт сөндіру бөлімшелері келгенге дейін "102" қызметі 12 адамды эвакуациялады", - дейді департаментте.
Сондай-ақ ТЖД бөлімшелерінің өрт сөндірушілері баспалдақ бойынша 15 адамды қауіпсіз жерге шығарды, олардың төртеуі - бала.

Апаттық медициналық орталық қызметкерлері 1939 және 1990 жылы туған әйелдерге және 1975 жылы туған ер адамға медициналық көмек көрсетті.

Оларға "жану өнімдерімен өткір ингаляциялық улану" диагнозы қойылды, ауруханаға жатқызудың қажеті болмады. Тілсіз жаудың шығу себебі мен келтірілген шығын көлемі анықталуда.
Жаңалықтар
0