https://sputnik.kz/20220426/petropavl-munay-bazasy-ort-24475623.html

Петропавлда мұнай базасы маңындағы өрт бірнеше сағат бойы сөндірілді

Петропавлда мұнай базасы маңындағы өрт бірнеше сағат бойы сөндірілді

Sputnik Қазақстан

Өртті сөндіруге аумақтың батпақты болуы кедергі келтірді, өртке арнайы техникамен бару қиынға соқты 26.04.2022, Sputnik Қазақстан

2022-04-26T18:47+0500

2022-04-26T18:47+0500

2022-04-26T18:47+0500

өрт

петропавл

https://sputnik.kz/img/07e6/04/1a/24475373_0:0:3067:1725_1920x0_80_0_0_5682dc3fef714584ea29d787dab448c7.jpg

ПЕТРОПАВЛ, 26 сәуір – Sputnik. Петропавлда өрт сөндірушілер мұнай базасы маңындағы өртті бірнеше сағат бойы сөндірді, деп хабарлады облыстық төтенше жағдайлар департаментінің баспасөз қызметі.Ведомствоның мәліметінше, сейсенбі күні күндіз Петропавл қаласының шетінде шөп пен қамыстың өртеніп жатқаны туралы хабарлама түскен."Петропавлдық өрт сөндіру бөлімшелері оқиға орнына аттанып, дереу өртті сөндіруге кірісті. Өрт сөндіру жұмыстары батпақты жерде жүргізілді, бұл жұмысты қиындатты", - деп хабарлады ТЖД."Өрт сөндіру және авариялық-құтқару жұмыстары қызметі" ММ және төтенше жағдайлар департаменті, Оңтүстік Орал теміржолы Петропавл бөлімшесінің әскерилендірілген өрт сөндіру командалары, жергілікті атқарушы органдар мен "Өрт сөндіруші" АҚ күштері мен құралдары – 77 адам және 31 техника оқиға орнында жұмыс істеді.Өрт "Munai invest Ko" ЖШС жұмыс істемей тұрған мұнай базасының аумағында шықты, қамыс пен автокөлік дөңгелектері жанып кетті. Жалын 10 гектар аумаққа шарпыды.Тілсіз жау 15:10-да оқшауланып, жойылды. Қаза болғандар мен зардап шеккендер жоқ. Өрттің себебі пен залал анықталып жатыр.

петропавл

2022

Жаңалықтар

kk_KK

өрт, петропавл