Өңірлер

Түркістан облысының тұрғыны енесінің үйіне терезеден кіріп, тонап кетті

© Photo : СС0 / an_photosЖүзік, сақина
Жүзік, сақина - Sputnik Қазақстан, 1920, 22.04.2022
Жазылу
Шығын сомасы 1,7 миллион теңгені құрады
НҰР-СҰЛТАН, 22 сәуір – Sputnik. Түркістан облысында енесінің 1,7 миллион теңгелік алтын бұйымдарын ұрлаған ер адам ұсталды, деп хабарлайды Polisia.kz порталы.
Шардара аудандық полиция бөліміне арызданған әйел белгісіз біреудің үйіне терезеден кіріп, жатын бөлмесіндегі алтын жүзігін, сырғасын, бағалы тастары мен алқаларын жымқырып кеткенін айтқан.
Шығын сомасы 1,7 миллион теңгені құрады. Полицейлер Қылмыстық кодекстің 188-бабы бойынша ("Ұрлық") сотқа дейінгі тергеуді бастап, жедел іздестіру шараларына кірісті.
Арнайы тергеу тобы да құрылған. Олар бір күннің ішінде күдіктінің ізіне түсті. Ұсталған ер адам жәбірленушінің күйеубаласы болып шықты.
"Ол оңай жолмен ақша табу мақсатында қараусыз тұрған үйге кіріп, алтын бұйымдарды жымқырған. Ал ұрлаған алтындарды үйінің ауласындағы гаражына тығып, сатудың оңтайлы сәтін күткен", - дейді полицейлер.
Алтын бұйымдар иесіне қайтарылған. Ал күдікті тергеуге алынды.
Телефон в руках подростка, иллюстративное фото - Sputnik Қазақстан, 1920, 26.11.2021
Өңірлер
Түркістан облысының тұрғыны енесінің алдында ұятқа қалды
Жаңалықтар
0