https://sputnik.kz/20220421/toqaev-zhol-problema-24368580.html
"Кінәлілер жазалануға тиіс": Тоқаев жол проблемасын тез арада шешуді тапсырды
"Кінәлілер жазалануға тиіс": Тоқаев жол проблемасын тез арада шешуді тапсырды
Sputnik Қазақстан
НҰР-СҰЛТАН, 21 сәуір – Sputnik. Президент Қасым-Жомарт Тоқаев үкімет пен Батыс Қазақстан облысының әкімдігіне өңірдегі жол проблемасын тез арада шешуді... 21.04.2022, Sputnik Қазақстан
2022-04-21T19:33+0500
2022-04-21T19:33+0500
2022-04-21T19:33+0500
жол
қасым-жомарт тоқаев
https://sputnik.kz/img/07e6/03/01/23196335_0:0:3039:1710_1920x0_80_0_0_9f172a1af02acca8628d4f27808156bb.jpg
НҰР-СҰЛТАН, 21 сәуір – Sputnik. Президент Қасым-Жомарт Тоқаев үкімет пен Батыс Қазақстан облысының әкімдігіне өңірдегі жол проблемасын тез арада шешуді тапсырды, деп хабарлады Ақорданың Telegram-каналы.Мемлекет басшысы "Egemen Qazaqstan" газетінде жарияланған "Күре жолдағы күрсініс" атты мақалаға назар аударды. Басылым Батыс Қазақстан облысындағы күре жолдар жағдайының нашарлығына байланысты мәселе көтерген."Президент бұл өңірдің көлік-логистикалық әлеуетін жаңғырту маңызды міндеттің бірі екенін және автожолдардың 70 пайызының сапасы сын көтермейтінін 2019 жылы айтқан болатын. Мемлекет басшысы Оралда өткен кездесуде "бұл азаматтардың күнделікті өмірінде қиындық туғызып қана қоймайды, сондай-ақ өңірдің экспорттық және транзиттік әлеуетін төмендетеді" деген еді", - делінген хабарламада.Баспасөз қызметі президент сол кезде үкіметке әкімдікпен бірлесіп, Қазталов, Жәнібек және Бөкей ордасы аудандарындағы жолдарды жөндеу жұмыстарын 2021 жылдың соңына дейін аяқтауға тапсырма бергенін және бұл мәселе өзінің жеке бақылауында болатынын ерекше атап өткенін еске салды.Мемлекет басшысы үкімет пен облыс әкімдігіне барлық қажетті шараны тез арада қабылдауды тапсырды. Тиісті жұмыстардың белгіленген мерзімде орындалмауына кінәлілер жазалануға тиіс.Президент бұл мәселені шешуді премьер-министр Әлихан Смайыловқа жүктеді.
Sputnik Қазақстан
media@sputniknews.com
+74956456601
MIA „Rosiya Segodnya“
2022
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
жол, қасым-жомарт тоқаев
"Кінәлілер жазалануға тиіс": Тоқаев жол проблемасын тез арада шешуді тапсырды
НҰР-СҰЛТАН, 21 сәуір – Sputnik. Президент Қасым-Жомарт Тоқаев үкімет пен Батыс Қазақстан облысының әкімдігіне өңірдегі жол проблемасын тез арада шешуді тапсырды, деп хабарлады Ақорданың
Telegram-каналы.
Мемлекет басшысы "Egemen Qazaqstan" газетінде жарияланған "Күре жолдағы күрсініс" атты мақалаға назар аударды. Басылым Батыс Қазақстан облысындағы күре жолдар жағдайының нашарлығына байланысты мәселе көтерген.
"Президент бұл өңірдің көлік-логистикалық әлеуетін жаңғырту маңызды міндеттің бірі екенін және автожолдардың 70 пайызының сапасы сын көтермейтінін 2019 жылы айтқан болатын. Мемлекет басшысы Оралда өткен кездесуде "бұл азаматтардың күнделікті өмірінде қиындық туғызып қана қоймайды, сондай-ақ өңірдің экспорттық және транзиттік әлеуетін төмендетеді" деген еді", - делінген хабарламада.
Баспасөз қызметі президент сол кезде үкіметке әкімдікпен бірлесіп, Қазталов, Жәнібек және Бөкей ордасы аудандарындағы жолдарды жөндеу жұмыстарын 2021 жылдың соңына дейін аяқтауға тапсырма бергенін және бұл мәселе өзінің жеке бақылауында болатынын ерекше атап өткенін еске салды.
"Алайда "Egemen Qazaqstan" газетіндегі мәліметтер бойынша осы аудандарды облыс орталығымен байланыстыратын жолдарға әлі күнге дейін асфальт төселмеген. Құрылыс жұмыстары бекітілген кестеден айтарлықтай қалып келеді және қаржы мәселесінде де түйткілдер бар. Жергілікті тұрғындар жолдың жоқтығынан зардап шегіп отыр, әсіресе көктем мен күзде жағдай мүлде ушыға түседі", - деп толықтырды Ақорданың баспасөз қызметі.
Мемлекет басшысы үкімет пен облыс әкімдігіне барлық қажетті шараны тез арада қабылдауды тапсырды. Тиісті жұмыстардың белгіленген мерзімде орындалмауына кінәлілер жазалануға тиіс.
Президент бұл мәселені шешуді премьер-министр Әлихан Смайыловқа жүктеді.
