Еңбек министрлігі орташа зейнетақы сомасын атады

© Sputnik / Абзал КалиевТеңге
Теңге - Sputnik Қазақстан, 1920, 18.04.2022
Жазылу
АЛМАТЫ, 18 сәуір – Sputnik. Қазақстанда зейнеткерлерге жыл басынан бері 704,9 миллиард теңге төленді, деп хабарлады еңбек және халықты әлеуметтік қорғау министрлігі.
Бірінші сәуірдегі жағдай бойынша елімізде 2 миллион 245,6 мыңнан астам зейнеткер бар.
"1 наурыздағы жағдай бойынша қазақстандықтарға 704,9 миллиард теңгеден астам сомаға зейнетақы төленді. 2022 жылғы наурызда республикалық бюджеттен зейнетақы төлемдеріне 234,8 миллиард теңгеден астам, оның ішінде базалық зейнетақыны төлеуге – 71,4 миллиард теңге, ынтымақты зейнетақыны төлеуге – 163,4 миллиард теңге бөлінді", - делінген ақпаратта.
2022 жылдың 1 сәуіріндегі жағдай бойынша зейнетақы төлемдерінің орташа мөлшері 105 344 теңгені құрады.
Айта кетері, мемлекеттік базалық зейнетақы төлемі, зейнетақы жүйесіндегі тәжірибесін ескеріп, әр алушыға жеке тағайындалады.
Жаңалықтар
0