Өңірлер

Павлодарда тағы саяжай өртенді

© ДЧС Павлодарской областиСаяжайдағы өрт
Саяжайдағы өрт - Sputnik Қазақстан, 1920, 17.04.2022
Жазылу
Өртке кінәлілердің бірі табылды – саяжай тұрғыны шөпті өртеген
НҰР-СҰЛТАН, 17 сәуір – Sputnik. Павлодардың бес бау-бақша серіктестігінде саяжай үйлері, қора-жайлар мен ағаштар өртенді, деп хабарлайды облыстық төтенше жағдай департаментінің баспасөз қызметі.
16 сәуір сағат 13.12-де "Восточный" саяжай қоғамы аумағында өрт шыққаны туралы ақпарат түскен. Қураған шөп, бұталар, ағаштар, саяжай үйлері мен қора-жайлар отқа оранған. Жалын аумағы анықталып жатыр. 18 қызметкер және төрт техниканың көмегімен өрт 16.42-де сөндірілді. Қаза болғандар мен зардап шеккендер жоқ. Өрттің себебі анықталуда.
© ДЧС Павлодарской областиСаяжайдағы өрт
Пожар на дачах в Экибастузе - Sputnik Қазақстан, 1920, 17.04.2022
Саяжайдағы өрт
13.59-да тағы бір хабар түсті – "Надежда" мен "Северный" саяжай қоғамдарынан өрт шыққан. Жалын 40 гектар аумақты шарпыған. Оқиға орнына 47 өрт сөндіруші мен 12 техника, сонымен қатар үш техникамен жергілікті атқарушы органдардың қызметкерлері аттанды. Зардап шеккендер жоқ. Өрт себебі анықталып жатыр.
Сағат 14.54-те "Энтузиаст" және "Строитель" саяжай қоғамдарында өрт болып жатқаны туралы хабарлама келді. Қаза тапқандар мен зардап шеккендер жоқ.
ТЖД ақпаратынша, "Северный" саяжай қоғамындағы өртке кінәлі адам табылды. 59 жастағы ер адам өз учаскесінде абайсызда шөпті өртеп жіберген, ал өрт әрі қарай таралған.
© ДЧС Павлодарской областиСаяжайдағы өрт
Пожар на дачах в Экибастузе - Sputnik Қазақстан, 1920, 17.04.2022
Саяжайдағы өрт
Түнде бау-бақша серіктестіктеріндегі барлық өрт сөндірілді. Өртті сөндіру жұмыстары желдің күшеюіне байланысты қиындаған.
Sputnik Қазақстан хабарлағандай, алдыңғы күні павлодарлық құтқарушылар "Надежда" және "Восточный" саяжай қоғамында өртпен күресті. Отызға жуық үй жанып кетті. Бүгін бұл жерде қайта өрт шықты.
Жаңалықтар
0