https://sputnik.kz/20220413/qazaqstan-resey-azamaty-24172276.html
24 ақпаннан бері Қазақстанға 130 мың Ресей азаматы келген
24 ақпаннан бері Қазақстанға 130 мың Ресей азаматы келген
Sputnik Қазақстан
Ал осы жылдың бірінші тоқсанында Украинадан Қазақстанға 3481 адам келген 13.04.2022, Sputnik Қазақстан
2022-04-13T11:44+0500
2022-04-13T11:44+0500
2022-04-13T11:44+0500
ресей азаматтары
https://sputnik.kz/img/917/21/9172126_0:63:1199:737_1920x0_80_0_0_08c0648d7f7764490b9bf0cf6fa11bdb.jpg
НҰР-СҰЛТАН, 13 сәуір – Sputnik. Осы жылдың бірінші тоқсанында 1055 Ресей азаматы Қазақстанға уақытша тұруға өтініш білдірді. Бұл өткен жылдармен салыстырғанда екі-үш есеге көп. Бұл туралы ішкі істер министрінің бірінші орынбасары Марат Қожаев мәлімдеді, деп хабарлайды Sputnik Қазақстан тілшісі. Мәжіліс отырысында депутаттар Украинадағы оқиғаға байланысты ақпан-наурыз айларында Ресей мен Украинадан қанша азамат Қазақстанға келгенін, қанша адам азаматтық пен ықтиярхат алуға өтініш бергенін сұрады. Марат Қожаевтың айтуынша, бірінші қаңтардан бері республикаға 457 мың шетелдік келген. Оның дені – көрші елдерден, ең көбі – өзбектер, екінші орында – Ресей азаматтары. Ал осы жылдың бірінші тоқсанында Украинадан Қазақстанға 3481 адам келген. Қожаев келтірген статистикаға сүйенсек, бүгінде 170 ресейлік және жеті украиндық Қазақстан азаматтығын алуға өтініш білдірді. Бұл өткен жылдардағы көрсеткішпен бірдей. 2019 жылы Ресейден 200-ден астам азамат Қазақстан азаматтығын алуға өтініш білдірген. Бұдан бөлек, Қожаев биыл Қазақстанда уақытша тұруға сұранып отырған шетелдіктер аздап өскенін атап өтті. "Өткен жылдары бір тоқсанда 350-400 адам уақытша тұруға сұранса, қазір мыңнан асып кетті. Биыл бірінші тоқсанда Ресейден келген 1055 адам біздің елде уақытша тұруға сұранып жатыр", - деді Қожаев.
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
ресей азаматтары
24 ақпаннан бері Қазақстанға 130 мың Ресей азаматы келген
Ал осы жылдың бірінші тоқсанында Украинадан Қазақстанға 3481 адам келген
НҰР-СҰЛТАН, 13 сәуір – Sputnik. Осы жылдың бірінші тоқсанында 1055 Ресей азаматы Қазақстанға уақытша тұруға өтініш білдірді. Бұл өткен жылдармен салыстырғанда екі-үш есеге көп.
Бұл туралы ішкі істер министрінің бірінші орынбасары Марат Қожаев мәлімдеді, деп хабарлайды
Sputnik Қазақстан тілшісі.
Мәжіліс отырысында депутаттар Украинадағы оқиғаға байланысты ақпан-наурыз айларында Ресей мен Украинадан қанша азамат Қазақстанға келгенін, қанша адам азаматтық пен ықтиярхат алуға өтініш бергенін сұрады.
Марат Қожаевтың айтуынша, бірінші қаңтардан бері республикаға 457 мың шетелдік келген. Оның дені – көрші елдерден, ең көбі – өзбектер, екінші орында – Ресей азаматтары.
"24 ақпаннан 11 сәуірге дейін 130 мың Ресей азаматы елімізге кірген. 120 мыңнан астамы шығып кетті. Былтырғы жылмен салыстырғанда, бұл көрсеткіш екі есе өсіп отыр. Бірақ 2020-2021 жылдары пандемияға байланысты шекара жабылғанын білесіздер. Ал оның алдыңғы жылдары – 2018-2019 жылдармен салыстырғанда, бұл сан үш есеге аз. Ол жылдары бірінші тоқсанда елімізге Ресейден 350-360 мың адам кіріп-шығып тұрды", - деді Қожаев мәжіліс отырысында.
Ал осы жылдың бірінші тоқсанында Украинадан Қазақстанға 3481 адам келген.
Қожаев келтірген статистикаға сүйенсек, бүгінде 170 ресейлік және жеті украиндық Қазақстан азаматтығын алуға өтініш білдірді. Бұл өткен жылдардағы көрсеткішпен бірдей.
2019 жылы Ресейден 200-ден астам азамат Қазақстан азаматтығын алуға өтініш білдірген.
Бұдан бөлек, Қожаев биыл Қазақстанда уақытша тұруға сұранып отырған шетелдіктер аздап өскенін атап өтті.
"Өткен жылдары бір тоқсанда 350-400 адам уақытша тұруға сұранса, қазір мыңнан асып кетті. Биыл бірінші тоқсанда Ресейден келген 1055 адам біздің елде уақытша тұруға сұранып жатыр", - деді Қожаев.
