Қоғам

Он төрт жыл бұрын жоғалып кеткен өзбекстандық әйел Нұр-Сұлтаннан табылды

© Photo : pixabay/rebcenter-moscowАрхивтегі сурет
Архивтегі сурет - Sputnik Қазақстан, 1920, 08.04.2022
Жазылу
НовостиTelegram
Әйел ұзақ жылдар бойы Шымкент пен Қызылордада жұмыс істеген. Былтыр жазда елордаға көшіп келген
НҰР-СҰЛТАН, 8 сәуір – Sputnik. Нұр-Сұлтан полициясы 14 жыл бұрын жоғалып кеткен Өзбекстан азаматын тапты.
Қалалық полиция департаменті баспасөз қызметінің ақпаратынша, полицейлер елорда аумағында із-түссіз жоғалған Өзбекстанның 39 жастағы азаматын тапты. Туысқандары оны 2008 жылдан бері іздеп жүрген.
Әйел Алматыға ақша табуға келген. Содан кейін ұзақ уақыт Шымкент пен Қызылордада жұмыс істеген. Айтуынша, құжаттарын жоғалтып алғандықтан, туыстарымен байланысқа шыға алмапты.
"Осы жылдар бойы әйел әртүрлі жұмыс істеген. Үй қызметшісі, кеңселер мен дәмханаларда тазалықшы болған. 2021 жылғы шілдеден бастап Нұр-Сұлтанда жалдамалы пәтерлерде тұрған", - делінген хабарламада.
Қазіргі таңда көші-қон қызметі өзбекстандық әйелге уақытша құжат жасап берді. Енді әйел бір ай ішінде Қазақстаннан еш кедергісіз шығып, отбасына орала алады.
Нұр-Сұлтан қаласы - Sputnik Қазақстан, 1920, 07.04.2022
Елорда тынысы
Нұр-Сұлтанда жоғалған қыз басқа қаладан табылды
Жаңалықтар
0