Қоғам

Президент ауыл шаруашылығы министріне тапсырма берді

© Sputnik / Абзал КалиевАкорда
Акорда - Sputnik Қазақстан, 1920, 05.04.2022
Жазылу
НовостиTelegram
Министрдің айтуынша, қазіргі уақытта шаруашылықтар көктемгі егіс науқанына толық дайын
НҰР-СҰЛТАН, 5 сәуір – Sputnik. Президент Қасым-Жомарт Тоқаев ауыл шаруашылығы министрін қабылдады
Мемлекет басшысына еліміздің агроөнеркәсіптік кешенінің қазіргі жағдайы және 2022 жылға арналған міндеттер, азық-түлік қауіпсіздігін қамтамасыз ету, сондай-ақ саланы реформалау бойынша қабылданып жатқан шаралар туралы баяндалды.
Ербол Қарашөкеев президент тапсырмаларының орындалу барысы туралы баяндады. Атап айтқанда, фермерлердің көктемгі егіс жұмыстарын жүргізуге дайындығы туралы хабардар етті.
Ведомство шаруалардың жанар-жағармай, тыңайтқыш, тұқым қорларымен қамтамасыз етілгендерін және техникалардың дайындығын қайта тексерді.
"Президент осы бағыттағы қаржыландыру көлемін 2 есе ұлғайту туралы шешім қабылдады", - делінген хабарламада.
Министрдің айтуынша, қазіргі уақытта шаруашылықтар көктемгі егіс науқанына толық дайын.
Сонымен қатар, мемлекет басшысы агроөнеркәсіп кешені мен ветеринария саласына мемлекеттік қолдау көрсету жүйесін жетілдіру, жеке қосалқы шаруашылықтарды дамыту үдерістерімен танысты.
Кездесу соңында Қасым-Жомарт Тоқаев азық-түлік қауіпсіздігін қамтамасыз ету, отандық тауарларды жаңа нарықтарға шығару, аграрлық ғылымды дамыту, көктемгі егісті сапалы жүргізу жөнінде бірқатар тапсырма берді.
Сондай-ақ жерді тиімді пайдалану үдерісіне және пайдаланылмайтын жерлерді қайтаруға бақылауды күшейту қажеттігін атап өтті.
Жаңалықтар
0