Алматыда такси жүргізушісіне шабуыл жасаған қарақшылар ұсталды

Такси
Такси  - Sputnik Қазақстан, 1920, 01.04.2022
Жазылу
Жолаушылар такси жүргізушісіне шабуыл жасап, оған көптеген пышақ жарақатын салған
НҰР-СҰЛТАН, 1 сәуір – Sputnik. Алматыда такси жүргізушісіне шабуыл жасаған қарақшылар ұсталды, деп хабарлайды Polisia.kz.
Оқиға Түрксіб ауданында екі апта бұрын болған. Үш ер адам бизнес-кластағы таксиге тапсырыс беріп, жүргізушіден оларды әуежайға жеткізіп тастауын сұраған.
Алайда жолда жолаушылар такси жүргізушісіне шабуыл жасап, оған көптеген пышақ жарақатын салған. Шабуылдың нәтижесінде қаскөйлер Toyota Camry көлігін иемденген.
Аталған қылмысты ашу мақсатында жедел-іздестіру тобы құрылып, оның құрамына криминалдық полиция және Түрксіб аудандық полиция басқармасының қызметкерлері кірді.
"Күдіктілер дереу анықталды. Олар жасырынуға тырысқан. Алайда бекер – қазір күдіктілер ұсталды және қамауға алынды. Қылмыскерлер басқа біреудің көлігін кәдеге жарата алмады. Шетелдік көлік иесіне қайтарылды", – деді Алматы қалалық полиция департаменті бастығының орынбасары Берік Әбілбеков.
Қазір ұсталғандардың басқа да қылмыстарға қатысы бар-жоғы тексерілуде.
Олар – 1993, 1998 және 2000 жылы туған Алматы облысы Талғар ауданының тұрғындары.
Жаңалықтар
0