Қоғам

Қазақстан Украинаға гуманитарлық көмектің жаңа партиясын жіберді

© AP Photo / Michael ProbstҰшақ, архивтегі сурет
Ұшақ, архивтегі сурет - Sputnik Қазақстан, 1920, 28.03.2022
Жазылу
НовостиTelegram
Көмек ретінде жөнелтілген жүктің жалпы салмағы 17,5 тоннаны құрайды
НҰР-СҰЛТАН, 28 наурыз – Sputnik. Қазақстан Украинаның мұқтаж азаматтарына гуманитарлық көмектің жаңа партиясын жөнелтті.
Алматыдан Польшаның Катовице қаласына гуманитарлық көмектің кезекті партиясын жеткізген арнайы рейсті Қазақстанның төтенше жағдайлар министрлігі ұйымдастырды.
Жүктің жалпы салмағы – 17,5 тонна, оның ішіне төсек-орын және азық-түлік кірді, деп хабарлайды ТЖМ баспасөз қызметі.
Бұған дейін Қазақстан Украинаға салмағы 28,2 тонна болатын 17 түрлі дәрі-дәрмек – антибиотиктер, қабынуға қарсы, жөтелге қарсы және антигипертензивті препараттар түрінде гуманитарлық көмек жіберген болатын. Көрсетілген көмек Украина тарапының өтініші негізінде мемлекет басшысының бұған дейін берген тапсырмасына сәйкес жүзеге асырылды.
Қайтар жолда жүкті жеткізген "Бүркіт" мемлекеттік әуе компаниясының Ил-76 ұшағы қазақстандық дипломаттардың көмегімен Украинадан Польшаға келген ондаған қазақстандық пен олардың отбасы мүшелерін алып келеді деп жоспарланған.
Алматы әуежайы, архивтегі фото - Sputnik Қазақстан, 1920, 10.03.2022
Қазақстан Украинаға гуманитарлық көмек ретінде 2,2 миллион доллар бөледі
Жаңалықтар
0