Алматыдағы жаппай тәрпісіздіктер - Sputnik Қазақстан, 1920, 23.05.2022
Қаңтар оқиғасы
2022 жылғы қаңтарда Алматы қаласы мен басқа да өңірлерде болған жаппай тәртіпсіздіктерге қатысты материалдар

Қаңтар оқиғасы: Алматыда қару-жарақ дүкенін тонаған тағы екі ұры ұсталды

© Photo : Polisia.kzАлматыда қару-жарақ дүкенін тонаған тағы екі ұры ұсталды
Алматыда қару-жарақ дүкенін тонаған тағы екі ұры ұсталды - Sputnik Қазақстан, 1920, 24.03.2022
Жазылу
Олардың бірі бұрын бөтеннің мүлкін ұрлағаны үшін сотты болған
НҰР-СҰЛТАН, 24 наурыз – Sputnik. Алматыда “Камерад” қару-жарақ дүкенін тонаған тағы екі адам ұсталды, деп хабарлайды Polisia.kz.
Ұсталғандар 27-28 жас аралығындағы Алматы облысының екі тұрғыны. Олардың бірі бұрын бөтеннің мүлкін ұрлағаны үшін сотты болған.
"6 қаңтарға қараған түні олар “Камерад” қару-жарақ дүкенін тонап, одан 5 тегіс ұңғылы мылтық, патрондар мен оқ өтпейтін жиделерді ұрлаған. Күдіктілер ұсталды және қамауға алынды. Заттай айғақтар тәркіленді. Ұсталғандардың басқа да, соның ішінде жаппай тәртіпсіздіктер кезінде орын алған қылмыстарға қатыстылығы тексерілуде", – деп хабарлады Алматы қалалық полиция департаменті бастығының орынбасары Берік Әбілбеков.
Қылмыстық іс ҚК-нің 291-бабы, 3-бөлігі бойынша тергеліп жатыр.
Жаңалықтар
0