https://sputnik.kz/20220323/qar-qursauynan-adam-qutqaryldy-23690145.html

Бір тәулікте қар құрсауынан 90-нан астам адам құтқарылды

Бір тәулікте қар құрсауынан 90-нан астам адам құтқарылды

Sputnik Қазақстан

Жолда төтенше жағдайды жою жөніндегі республикалық штаб құрылды 23.03.2022, Sputnik Қазақстан

2022-03-23T18:04+0500

2022-03-23T18:04+0500

2022-03-23T18:14+0500

өңірлер

құтқару

қар

https://sputnik.kz/img/1264/21/12642142_0:120:1280:840_1920x0_80_0_0_2dae1d5d9f3000b8190164806841fcce.jpg

НҰР-СҰЛТАН, 23 наурыз - Sputnik. Өткен тәулікте қар құрсауынан 90-нан астам адам, оның ішінде 14 бала құтқарылды және эвакуацияланды, деп хабарлады төтенше жағдайлар министрлігі. Кеше түнде Байқоңыр ауданында айналма жолда жеңіл көлікпен 7 адам қар құрсауында қалып қойды, екеуі - бала.ТЖД оларды астанаға жеткізді. Құтқарылғандар медициналық көмекке мұқтаж емес.Қостанай облысының Арқалық, Амангелді және Әулиекөл аудандарында ТЖД күшімен автожолдарда тұрып қалған жеңіл автокөліктерден жақын елді мекендерге 32 адам, оның ішінде 5 бала жеткізілген.Қарқаралыдан 7 шақырым жерде Қарағанды облысының ТЖД құтқарушылары қар құрсауында қалып қойған Тоyоtа Carinа автокөлігінен 4 адамды құтқарып, Қарқаралыға жеткізді.Ақтоғай ауданында "Ақой - Ақтоғай - Балқаш" автожолының 160 шақырымында Қарағанды облысы ТЖД күштері және "Берер" ЖШС қызметкерлері 16 жеңіл көлікті қар құрсауынан тазартылған учаскеге шығарды. Барлығы 48 адам, жетеуі бала.Ауа райының нашарлауына байланысты (боран, нашар көріну, көктайғақ) 46 автожол учаскесі жабылды: 26 республикалық және 20 облыстық маңызы бар.Жолдарда төтенше жағдайды жою жөніндегі республикалық штаб құрылды, өңірлерде жұмыс істейді.Облыстық жедел штабтар ақпараты бойынша, блок-бекеттерде 915 техника бар.

2022

Жаңалықтар

kk_KK

құтқару, қар