Өңірлер

Ақтауда ер адам иттерге тас атып, көлікпен қуды – видео

© Sputnik / Константин Чалабов / Медиабанкке өтуИт
Ит - Sputnik Қазақстан, 1920, 18.03.2022
Жазылу
Көлік жүргізушісі итті әдейі басып кеткісі келген, оның жеке басы анықталды
ЛМАТЫ, 18 наурыз – Sputnik. Әлеуметтік желіде көлік жүргізушісі көшеде иттерді жоғары жылдамдықпен қуғаны түсірілген видео тарады.
Оның итті қасақана басып кеткісі келгені көрінеді. Соған байланысты Ақтау полициясы жануарға қатысты қатыгездік фактісі бойынша тексеру жүргізіп жатыр. Оқиға куәгерлерінің айтуынша, видео 17 наурызда кешкі сағат бес шамасында Ақтаудағы бірінші шағын аудан жағалауында түсірілген, деп хабарлайды Lada.kz.
Олар видеоға көлік жүргізушісінің қатыгез әрекеті толықтай түсірілмегенін айтты. Олардың сөзінше, жүргізуші басуға әрекет жасамас бұрын иттерге тас атқан. Автокөлік иесі басып кеткісі келген ит соңғы сәтте аман қалды.
"Оны барлық әкімшілік бап бойынша жазалайды деп үміттенеміз. Бұл адам көліктен шығып, иттерге тас лақтыра бастады, содан кейін қайтадан көлікке отырды да, оларды әдейі басқысы келді. Оны видеоға түсіріп тұрғанымызды көргеннен кейін, бізге бейәдеп сөздер айтты", - дейді оқиға куәгерлері.
Патрульдік полиция қызметкерлері тәртіпбұзушының жеке басын анықтады. Ол жауапкершілікке тартылады. Қалалық полиция қабылданған шешім туралы ақпарат қосымша хабарланатынын жеткізді.
Собака выглядывает сквозь отверстие в ограде  - Sputnik Қазақстан, 1920, 18.07.2021
Қоғам
Итті азаптағандардың видеосы қазақстандықтардың ашуына тиді
Жаңалықтар
0