Ломтадзе Kaspi bank банкротқа ұшырайды дегендерге жауап берді - видео

© Photo : VK / Kaspi.kzМихаил Ломтадзе
Михаил Ломтадзе  - Sputnik Қазақстан, 1920, 14.03.2022
Жазылу
НовостиTelegram
Ал Қайрат Сатыбалды төрт жылдан бері банктің жұмысына араласпайды. Ол 2015-2018 жылдары акционер болған
НҰР-СҰЛТАН, 14 наурыз – Sputnik. Kaspi басшысы Михаил Ломтадзе Қайрат Сатыбалдының ұсталғаны банк қызметіне еш әсер етпейтінін мәлімдеді.
"Соңғы бірнеше күн бойы Kaspi туралы жалған ақпарат тарап жүр. Осыған байланысты көптеген сұрақ түсе бастады. Сондықтан бірден бұл әңгімеге қатысты өзім пікір білдірейін деп отырмын. Біріншіден, Kaspi банкротқа ұшырайды, Kaspi Gold-тан ақша алуға мүмкіндік болмайды дейді. Бұның барлығы - сандырақ", - дейді Ломтадзе.
Оның айтуынша, Kaspi халық арасында кеңінен танымал. Осыны көре алмайтындар бар. Сондықтан жалған ақпарат тарату үшін ақша төлейді, арандатушылық әрекеттерге де барады.
Банк басшысы доллар тапшылығын да түсіндірді. Оның сөзіне қарағанда, Ресейге қатысты санкциялар салдарынан қолма-қол доллар жетіспеушілігі бар. Бұрын ақшаны жылдам жеткізіп отыратын. Қазір Ресей мен Украинадағы жағдайға байланысты тасымалдау жұмыстары қиындап кеткен. Банк басшысының пікірінше, бұл – уақытша қиындық.
"Қазіргі кезде ұлттық банк қолма-қол ақшаны тікелей АҚШ-тан жеткізу мәселесін пысықтап жатыр. Жақын арада осы мәселені шешуге уәде берді", - деп атап көрсетті Kaspi басшысы.
Ал Қайрат Сатыбалды төрт жылдан бері банктің жұмысына араласпайды. Ол 2015-2018 жылдары акционер болған.
Архивтегі фото   - Sputnik Қазақстан, 1920, 14.03.2022
Қайрат Сатыбалды Дубайға ұшып кетпек болған
Жаңалықтар
0