Қазақстан, Әзербайжан мен Грузия Транскаспий халықаралық көлік бағдарын дамытады
© REUTERS / Thomas Peter
Жазылу
Қазақстандық және транзиттік жүктерді тасымалдауды қамтамасыз ету үшін үш елдің өкілдері келіссөз жүргізді
НҰР-СҰЛТАН, 10 наурыз – Sputnik. Премьер-министр Дағдарысқа қарсы шаралар жөніндегі жедел штабтың кезекті отырысын өткізді.
Отырыста Транскаспий халықаралық көлік бағдарын дамыту бойынша өткізілген келіссөздердің нәтижелері және қазақстандық жүктерді тасымалдау мәселелері қаралды.
Қазақстандық және транзиттік жүктерді тасымалдауды қамтамасыз ету үшін 9-10 наурызда индустрия және инфрақұрылымдық даму министрлігінің, Әзербайжанның цифрлық даму және көлік министрлігінің, Грузияның экономика және тұрақты даму министрлігінің өкілдері арасында келіссөздер жүргізілді.
Қазақстандық және транзиттік жүктерді тасымалдауды қамтамасыз ету үшін 9-10 наурызда индустрия және инфрақұрылымдық даму министрлігінің, Әзербайжанның цифрлық даму және көлік министрлігінің, Грузияның экономика және тұрақты даму министрлігінің өкілдері арасында келіссөздер жүргізілді.
Транскаспий халықаралық көлік бағдарын дамыту мақсатында тараптар өтпелі тариф белгілеу, жүктерді декларациялау, бірыңғай АT-шешімдерді қолдану және транзиттік жүктерді шоғырландыру мәселелерін шешетін бірлескен кәсіпорын құру туралы келісті.
Жалпы, бағыт бойынша жылына 10 млн тоннаға дейін, оның ішінде 200 мың контейнерге дейін тасымалдау мүмкіндігі бар. Ляньюньган порты арқылы қолданыстағы маршрутқа қатысты транзиттік жүк тасымалдарына тарифті төмендету мәселесі пысықталып жатыр.
Жалпы, бағыт бойынша жылына 10 млн тоннаға дейін, оның ішінде 200 мың контейнерге дейін тасымалдау мүмкіндігі бар. Ляньюньган порты арқылы қолданыстағы маршрутқа қатысты транзиттік жүк тасымалдарына тарифті төмендету мәселесі пысықталып жатыр.
"Атамекен" ұлттық кәсіпкерлік төралқа төрағасы Р. Баталовтың айтуынша, мемлекеттік органдар мен бизнестің бірлесіп атқарған жұмысының нәтижесінде қазіргі таңда ҚХР шекарасында қазақстандық жүктердің тұрып қалу жағдайлары байқалмайды.
Беларусь шекарасында жүктердің тұрып қалуына қатысты бизнестен бұған дейін түскен ақпаратқа сәйкес тиісті мониторинг жүргізілді, оның қорытындысы бойынша аталған мәлімет расталған жоқ. Жедел штабтың келесі отырысы 11 наурызда өтеді.
