Өңірлер

Бұлғын аулап, етін итіне берген ШҚО тұрғыны ұсталды

© Photo : Пресс-служба департамета полиции Востояно-Казахстанской области Алтай қаласының тұрғыны
Алтай қаласының тұрғыны - Sputnik Қазақстан, 1920, 09.03.2022
Жазылу
Бұлғындар аралар қыстайтын жерді паналамақ болған
ЛМАТЫ, 9 наурыз — Sputnik. Шығыс Қазақстан облысының полицейлері рейдтік іс-шаралар өткізу кезінде заңсыз аң аулады деген күдікпен ауданның 59 жастағы тұрғынын ұстады.
© Photo : Пресс-служба департамента полиции Восточно-Казахстанской области Заңсыз аң аулады деген күдікке ілінген тұрғын
Браконьера задержали полицейские Восточно-Казахстанской области - Sputnik Қазақстан, 1920, 09.03.2022
Заңсыз аң аулады деген күдікке ілінген тұрғын
Шығыс Қазақстан облысының тұрғыны қысқы омартада өздеріне пана тапқан бұлғындарды тауып алды, деп хабарлайды Polisia.kz.
2021 жылдың желтоқсан айының басында үйінің маңында аралар қыстайтын жерде бұлғындарды көріп қалған.
Сәтті пайдаланып қалмақ болған ер адам үйінен 4 қақпан алып шығып, үйшікке кірген іздің бойымен қақпан қойып, “қонақтарды” аңдыған. Сол кеште қақпанға бұлғынның біреуі, келесі күні қалған үшеуі түскен. Ол аңдардың терісін сыпырып, етін иттеріне берген.
Жауап алу барысында ер адам кінәсін толық мойындаған. Бұл аңды аулауға тыйым салынғанын біле тұра, лицензиясының жоқтығына қарамастан, заң бұзған.
Жануарлар дүниесіне келтірілген шығын 450 мың теңгеден асты. Тұрғынға қатысты келу міндеттемесі түрінде бұлтартпау шарасы таңдалды.
Аталған факті бойынша Қылмыстық кодекстің 337-бабы 1-бөлігі ("Заңсыз аң аулау") бойынша сотқа дейінгі тергеу жүргізіліп жатқаны хабарланды. Осы баптың санкциясы бойынша 3 жылға дейінгі мерзімге бас бостандығынан айыру жазасы қарастырылған.
Жаңалықтар
0